भुसावळ, लोकशाही न्यूज नेटवर्क
भुसावळ येथील वैतागवाडी परिसरात बाजारपेठ पोलिसांनी काल रात्री उशीरा टाकलेल्या धाडीत कुंटनखाना चालवणार्‍या एका महिलेसह एका ग्राहकाला अटक करण्यात आली आहे.
शहरातील नाहाटा कॉलेज चौफुली परिसरात असणार्‍या वैतागवाडी भागात देहविक्रीचा व्यवसाय सुरू असल्याची माहिती डीवायएसपी सोमनाथ वाघचौरे यांना मिळाली होती. या अनुषंगाने त्यांनी दिलेल्या निर्देशानुसार बाजारपेठ पोलीस स्थानकाच्या एका पथकाने रात्री उशीरा या भागात छापा टाकला. यात एक ग्राहक आढळून आला. संबंधीत कुंटनखाना चालवणारी महिला आणि त्या ग्राहकाला अटक करण्यात आली असून त्यांच्यावर गुन्हा दाखल करण्याची प्रक्रिया सुरू झाली आहे.
या छाप्यात पोलिसांनी देहविक्रीच्या व्यवसायात बळजबरीने ढकलण्यात आलेल्या एका महिलेची मुक्तता केली आहे. तिचा जबाब घेण्यात आला आहे.
