मुंबई, लोकशाही न्यूज नेटवर्क
अभिनेता प्रभासचा (Prabhas) आदिपुरुष हा चित्रपट रिलीज झाला आणि चाहत्यांनी त्यावर सडकून टीका केली तर काहींनी चित्रपटाचे कौतुकही केले होते. आता प्रभास लवकरच पुन्हा त्याच्या ‘सालार’ (Salaar) या चित्रपटाच्या माध्यमातून भेटीला येणार आहे. नुकताच मेकर्सकडून या चित्रपटाचे एक जबरदस्त पोस्टर सोशल मीडियावर शेअर केलं आहे. हे पोस्टर शेअर करून टीजरच्या रिलीज डेटची माहिती दिली आहे.
सालार या चित्रपटाच्या मेकर्सने या चित्रपटच एक ‘ब्लॅक अँड व्हाईट’ पोस्टर सोशल मीडियावर शेअर केलं आहे. या पोस्टरमध्ये प्रभासच चेहरा मात्र अस्पष्ट दिसत आहे. सालारचा टिझर ६ जुलै रोजी प्रेक्षकांच्या भेटीस येणार आहे. या चित्रपटात प्रभास गँगस्टरची भूमिका साकारणार असल्याचे सांगण्यात येत आहे. प्रभास सोबत अभिनेत्री श्रुती हसन (Shruti Haasan) देखील मुख्य भूमिकेत दिसणार असल्याचे सांगण्यात येत आहे.