जळगाव | इनव्हील ईस्टच्या पदाधिकाऱ्यांचा गणपतीनगरातील रोटरी हॉल येथे वार्षिक पदग्रहण सोहळा नुकताच झाला. मावळत्या अध्यक्षा नीता परमार यांनी नवनिर्वाचित अध्यक्षा बबिता मंधान यांना तर मावळत्या सचिव बबिता मंधान यांनी नूतन सचिव कार्तिकी शाह यांना पदभार सुपूर्द केला. कार्यक्रमात माजी अध्यक्षा नीता परमार यांनी वर्षभराचा अाढावा सांगितला. क्लबला मिळालेल्या अवॉर्डचे वितरण करण्यात आले. क्लबने डॉ. पुनम मोतीरानी यांच्या सहकार्याने थॉयराइड कॅम्पच्या प्रोजेक्टची घोषणा केली. नूतन कार्यकारिणीत उपाध्यक्षा गीता शाह, आयपीपी नीता परमार, कोषाध्यक्षा दिशा अग्रवाल, आयएसओ भावना चौहान, प्रियंका गांधी, काजल फिरके, नेहल कोठारी, कविता कराचीवाला, कीर्ती काबरा, शोभना मखवाना, ईशा गोयंका, मीनल लाठी, माधवी आसावा आदींचा समावेश असल्याचे प्रियंका गांधी यांनी सांगितले. यावेळी डिस्ट्रिक्ट चेअरमन गिरीश ठाकरे, प्रिती दोशी, डॉ. अर्चना काबरा उपस्थित होते.
