पाळधी, लोकशाही न्यूज नेटवर्क
भाऊसाहेब गुलाबरावजी पाटील इंग्लिश मीडियम स्कूल पाळधी या ठिकाणी सिल्वर झोन ओलंपियाड मार्फत आयोजित ओलंपियाड परीक्षेत शाळेच्या विद्यार्थ्यांनी घवघवीत यश संपादन करून ओलंपियाड परीक्षेच्या निकालावर शाळेची विजय पताका फडकवली. इयत्ता पहिली ते सहावीच्या विद्यार्थ्यांसाठी आयोजित ओलंपियाड परीक्षेत शाळेमार्फत इंग्रजी, गणित, विज्ञान व सामान्य ज्ञान या विषयांची निवड करण्यात आली होती. सदर परीक्षेत भाऊसाहेब गुलाबरावजी पाटील इंग्लिश मीडियम स्कूल, पाळधीला 31 सुवर्णपदक, 27 रोप्य पदक व 16 कास्य पदक प्राप्त झाले.
विशेष बाब म्हणजे शाळेतील इयत्ता पहिलीचा विद्यार्थी हर्ष महेंद्र बडगुजर महाराष्ट्र राज्यस्तरावर प्रथम क्रमांक प्राप्त करत भारत स्तरावरून चौथ्या क्रमांकाने उत्तीर्ण झाला. विद्यार्थ्यांच्या या यशाबद्दल नामदार गुलाबराव पाटील व प्रतापराव पाटील यांनी विद्यार्थ्यांचे कौतुक करत यशस्वी विद्यार्थ्यांचे अभिनंदन केले.
सदर विद्यार्थ्यांना विक्रम पाटील व भाऊसाहेब गुलाबरावजी पाटील इंग्लिश मीडियम स्कूलचे प्राचार्य सचिन पाटील यांचे मार्गदर्शन मिळाले. सदर विद्यार्थ्यांच्या यशामागे संस्थेतील सर्व शिक्षकांचा सिंहाचा वाटा आहे. जीपीएस इंग्रजी माध्यमामार्फत विद्यार्थ्यांच्या हिताचे उपक्रम नेहमीच राबवले जातील असे प्रतिपादन प्रतापराव पाटील यांनी यावेळी व्यक्त केले.