मुंबई ; गेल्या वर्षभर सन-चांदीचे दर हे चढेच राहिले. त्यामुळे गुंतवणूकदारांना मोठा नफा मिळाला. मात्र, ऐन लग्नसराईत ग्राहकांचा हिरमोड झाला. वाढलेल्या भावांमुळे वधू पित्यांची चिंता वाढली होती. मात्र, हे वर्ष सोने खरेदी करू इच्छिणाऱ्या सामान्य ग्राहकांसाठी काहीसे आशादायी दिसत आहे. कारण, या वर्षाच्या सुरुवातीलाच सोने आणि चांदी या मौल्यवान धातूंच्या दरांमध्ये मोठी घसरण होत असल्याचे दिसत आहे. किरकोळ वाढ झाली असता, लगेच दुसऱ्या दिवशी दरांमध्ये पुन्हा पडझड होत असून, भावात पडझडीचे सत्र सुरू आहे. त्यामुळे आता सोने खरेदीचा हाच उत्तम मुहूर्त आहे. असे या क्षेत्रातील जाणकारांनी सांगितले.
सोन्याच्या किंमतींमध्ये मोठी पडझड
गेल्या वर्षात सोन्याची विक्रमी आगेकूच सुरू होती. मात्र, यावर्षाच्या सुरुवातीला ३ जानेवारीपासून सोन्याच्या किंमतींमध्ये मोठी पडझड सुरू झाली. तर, ४ जानेवारी रोजी पुन्हा किंमती ४४० रुपयांचीनी खाली आल्या. अनुक्रमे ५, आणि ८ जानेवारी रोजी सोन्याच्या भावात १३० आणि २२० रुपयांची घसरण झाली. दरम्यान, गुडरिटर्न्सनुसार आज २२ कॅरेट प्रति १० ग्रॅम सोन्याचा दर हा ५७,९५० रुपये आणि २४ कॅरेट प्रति १० ग्रॅम सोन्याचे दर हे ३,२०० रुपये असे आहेत.(
चांदीच्या दरांत घसरण
गेल्या वर्षभरात सोन्याच्या पाठोपाठ चांदीही चांगलीच झळाळली होती. दरम्यान, या वर्षात ३ जानेवारी रोजी सोन्यासोबत चांदीच्याही भावात ३०० रुपयांची घसरण झाली. तर, ४ जानेवारी रोजी चांदीचे दर तब्बल २००० रुपयांनी खाली आले. तसेच, ८ जानेवारी रोजी परत किंमतीत २०० रुपयांची घसरण झाली. दरम्यान, गुडरिटर्न्सनुसार आज एक किलो चांदीसाठी ७६,४०० रुपये मोजावे लागणार आहे.(Gold Rate Today)
असा आहे १४ ते २४ कॅरेटचा भाव
आज सोन्याच्या किंमतीत पुन्हा मोठी घसरण झाली असून, बघा असे आहेत प्रति कॅरेटप्रमाणे सोन्याचे दर.. तर, इंडियन बुलियन्स अँड ज्वेलर्स असोसिएशननुसार, (Gold Rate Today) आज २४ कॅरेट प्रति १० ग्रॅम सोन्याचे दर हे ६२,१९२ असे आहेत. तर, २३ कॅरेट प्रति १० ग्रॅम सोन्याचे दर हे ६१,९४३ रुपये इतके आहेत. २२ कॅरेट प्रति १० ग्रॅम सोने हे ५६,९६८ रुपयांवर पोहोचले आहे. तर, १८ कॅरेट प्रति १० ग्रॅम सोन्याचे दर हे ४६,६४४ रुपये असून, १४ कॅरेट प्रति १० ग्रॅम सोन्याचे दर हे ३६,३८२ असे आहेत. दरम्यान, एक किलो चांदीचे दर हे आज ७१,३८६ रुपये झाले आहेत.
