नवी दिल्ली, लोकशाही न्यूज नेटवर्क
नवे वर्ष सुरु व्हायला अवघे काही दिवस उरले आहेत. अनेक महत्त्वाची कामे पूर्ण करण्यासाठी डिसेंबर 2023 हा शेवटचा महिना आहे. म्हणून काही महत्त्वाची कामे आहेत ती 31 डिसेंबर 2023 पर्यंत करायची आहेत. कारण 1 जानेवारीपासून अनेक नियम बदलणार आहे. अन्यथा तुम्हाला आर्थिक अडचणींना सामोरे जावे लागू शकते.
अपडेट आयटीआर
आयकर भरण्याची अंतिम तारीख 31 जुलै 2023 होती, मात्र हे काम तुम्ही केले नसेल तर तुम्हाला 31 डिसेंबर 2023 पर्यंत संधी आहे. या शेवटच्या तारखेपर्यंत अद्ययावत आयटीआर विलंब शुल्कासह दाखल करता येईल. उत्पन्नानुसार दंड भरावा लागतो. करदात्याचे उत्पन्न 5,00,000 रुपयांपेक्षा जास्त असल्यास 5,000 रुपयांपर्यंत दंड भरावा लागेल, तर 5,00,000 रुपयांपेक्षा कमी उत्पन्न असल्यास 1,000 रुपये दंड भरावा लागेल.
म्युच्युअल फंड
तुम्ही म्युच्युअल फंडात गुंतवणूक केली असेल तर 31 डिसेंबर 2023 पर्यंत तुमच्या खात्यात नॉमिनी जोडावे लागेल. तुम्ही असे न केल्यास तुमचे म्युच्युअल फंड खाते गोठवले जाऊ शकते. डीमॅट खातेदारानेही हे करणे आवश्यक आहे
हे खाते बंद होणार
नॅशनल पेमेंट कॉर्पोरेशन ऑफ इंडिया (NPCI) ने Google Pay, PhonePe किंवा Paytm चे ते UPI ID निष्क्रिय करण्याचा निर्णय घेतला आहे जे एक वर्ष किंवा त्याहून अधिक काळ वापरले गेले नाहीत. म्हणून, तुम्ही 31 डिसेंबर 2023 पूर्वी ते वापरणे अत्यंत महत्त्वाचे आहे, अन्यथा तृतीय पक्ष अॅप प्रदाते आणि पेमेंट सेवा प्रदाते अशी निष्क्रिय खाती बंद करतील.
लॉकर करार
SBI, बँक ऑफ बडोदा (BoB) आणि इतर बँकांमध्ये लॉकर घेणाऱ्यांसाठी महत्वाचे आहे. रिझर्व्ह बँक ऑफ इंडिया (RBI) च्या मार्गदर्शक तत्त्वांनुसार, सुधारित लॉकर करार टप्प्याटप्प्याने लागू करण्याची 31 डिसेंबर 2023 ही शेवटची तारीख आहे. जर तुम्ही सुधारित बँक लॉकर करार सादर केला असेल, तर तुम्हाला अपडेट केलेला करार सबमिट करणे आवश्यक असू शकते. हे काम ग्राहकांनी केले नाही तर त्यांना बँकेचे लॉकर सोडावे लागू शकते. 31 आरबीआयने 100 टक्के ग्राहकांना डिसेंबरपर्यंत बँक लॉकर करारावर स्वाक्षरी करणे अनिवार्य केले आहे.
SBI च्या योजना
स्टेट बँक ऑफ इंडिया (SBI) ची विशेष FD योजना, SBI अमृत कलश योजनेची अंतिम तारीख 31 डिसेंबर 2023 आहे. या 400 दिवसांच्या FD योजनेवर उपलब्ध कमाल व्याज दर 7.60% आहे. या विशेष एफडीवरील मॅच्युरिटी व्याज वजा केले जाईल आणि टीडीएस कापल्यानंतर ग्राहकाच्या खात्यात जमा केले जाईल. आयकर कायद्यांतर्गत लागू होणाऱ्या दराने टीडीएस आकारला जाईल. अमृत कलश योजनेत मुदतपूर्व कर्ज आणि कर्ज सुविधाही उपलब्ध आहेत.
