जळगाव, लोकशाही न्यूज नेटवर्क
विषारी औषध प्राशन केलेल्या कृष्णा निवृत्ती शिंपी (वय ५७, रा. अयोध्या नगर) यांचा उपचार सुरु असतांना प्राणज्योत मालवली आहे. ही घटना रविवारी सकाळी १० वाजेच्या सुमारास घडली. या प्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
सविस्तर माहिती अशी की, शहरातील अयोध्या नगरात कृष्णा शिंपी हे वास्तव्यास असून, ते बांधकाम व्यावसायिक होते. शनिवारी सायंकाळी ७ वाजेच्या सुमारास राहत्या घरात विषारी औषध सेवन केले. त्या वेळी चक्कर येउन ते खाली पडल्याने त्यांना अस्वस्थ वाटू लागले. हा प्रकार त्यांच्या कुटुंबियांच्या लक्षात येताच त्यांनी कृष्णा शिंपी यांना लागलीच शासकीय वैद्यकीय महाविद्यालय व रुग्णालयात दाखल केले होते. त्यांच्यावर उपचार सुरु असतांना रविवारी सकाळी १० वाजता मृत्यू झाला. त्यांना विषारी औषध का प्रश्न केले?… याचे कारण अद्याप अस्पष्ट आहे. याप्रकरणी एकायडीसी पोलीस ठाण्यात अकस्मात मृत्यूची नोंद करण्यात आली आहे. कृष्णा यांच्या पश्चात आई, पत्नी, मुलगी, आणि मुलगा असा परिवार आहे.