लोकशाही न्यूज नेटवर्क
दिल्ली मध्ये रस्त्यावरून चालणाऱ्या वृद्ध महिलेला भरधाव कारने जोरदार धडक दिली. ही धडक इतकी जोरदार होती, की यामध्ये महिलेचा जागीच मृत्यू झाला. अंगाचा थरकाप उडवणारी ही घटना नोएडा सेक्टर 78 मधील महागण मॉडर्न सोसायटी परिसरात गुरुवारी संध्याकाळी घडली. या घटनेचा सीसीटीव्ही व्हिडीओ समोर आला आहे.
याप्रकरणी पोलिसांनी कारचालकाविरोधात गुन्हा दाखल केला अजून त्याला अटक केली आहे. या घटनेने परिसरात हळहळ व्यक्त होत आहे. कृष्णा नारंग (वय 75 वर्ष) असे मृत महिलेचे नाव आहे. पोलिसांनी दिलेल्या माहितीनुसार, नारंग ह्या मॉडर्न सोसायटी परिसरात वास्तव्यास होत्या.
गुरुवारी सायंकाळच्या सुमारास त्या शतपावली करण्यासाठी त्या घरातून बाहेर पडल्या त्यावेळी विरुद्ध दिशेने भरधाव वेगात कार आली. काही कळण्याच्या आतच या कारने नारंग यांना जोरदार धडक दिली. हा अपघात इतका भीषण होता की, कारचे समोरील चाक नारंग यांच्या छातीवरुन गेले. या घटनेत नारंग यांचा जागीच मृत्यू झाला. घटनेनंतर नारंग यांच्या कुटुंबीयांकडून पोलिसांत तक्रार देण्यात आली आहे. तक्रार दाखल झाल्यानंतर पोलिसांनी गुन्हा दाखल करून आरोपी कार चालकावर गुन्हा दाखल करून, त्याला अटक केली आहे. या घटनेनं परिसरातून हळहळ व्यक्त होत आहे.
