कोल्हापूर, लोकशाही न्यूज नेटवर्क
कर्नाटकातील हुबळीच्या हद्दीत आज सकाळी एका प्रवासी बसची एका ट्रकला जोरदार धडक बसली. या भीषण रस्ता अपघातात 8 जणांचा मृत्यू झाला असून 26 जण जखमी झाले आहेत. याप्रकरणी पोलिसांनी गुन्हा नोंदवला आहे.
कर्नाटकमध्ये ट्रक आणि बसचा भीषण अपघात इतका भयंकर होता की, बसचा चुराडा झाला आहे. या दुर्घटनेत आठ जण ठार झाले तर 26 जण गंभीर जखमी झाले. हा अपघात हुबळी-धारवाडच्या तरीहाळा बायपासवर घडला. यातील मृतांमध्ये दोघे हे कर्नाटकमधील तर 6 जण कोल्हापुरातील आहेत. तसेच पुण्यातील काही नागरिकांचा समावेश आहे. दरम्यान जखमींवर हुबळीच्या किम्स रुग्णालयात उपचार सुरु आहेत.
7 dead, 26 injured in road accident in Karnataka's Hubli
Read @ANI Story | https://t.co/G1JyKtT0eq#Karnataka #Hubli pic.twitter.com/zpjzWTcqIF
— ANI Digital (@ani_digital) May 24, 2022
हुबळी भागात प्रवासी बस आणि ट्रक यांच्यात भीषण अपघात झाला. यात दोन्ही गाड्यांचे मोठे नुकसान झाले आहे. बसचा चक्काचूर झाला असून बसमधील प्रवाशांवर काळाने घाला घातला आहे. मिळालेल्या माहितीनुसार, कर्नाटकातील हुबळी भागात मंगळवारी पहाटे एका प्रवासी बसची भरधाव वेगाने जाणाऱ्या ट्रकला धडक बसून हा अपघात झाला. ही धडक इतकी जोरदार होती की बसच्या काचा फुटल्या आणि बस चिरडल्यानंतर पलटली. या अपघातात बसमधील आठ प्रवाशांचा मृत्यू झाला असून 26 प्रवासी गंभीर जखमी झाले आहेत.
अपघाताची माहिती मिळताच पोलिसांनी घटनास्थळ दाखल झालेत. त्यांनी या अपघाची माहिती घेतली. मृतदेह पोस्टमॉर्टमसाठी पाठवण्यात आले आहेत. जखमींना जवळच्या रुग्णालयात दाखल करण्यात आले आहे. याप्रकरणी पोलिसांनी गुन्हा दाखल केला आहे.