नवी दिल्लीः जागतिक बाजारातील घसरणीच्या पार्श्वभूमीवर आज सोन्याचा दर (Gold rate today)खाली आलाय, तर चांदीच्या दरात तेजी पाहायला मिळालीय. सराफा बाजारात सोन्याच्या किमतीत 168 रुपयांची घसरण झाली असून, ती प्रति दहा ग्रॅम 47450 रुपयांच्या पातळीवर बंद झाली. एचडीएफसी सिक्युरिटीजने ही माहिती दिली आहे. यापूर्वी व्यापार सत्रात सोन्याचा भाव 47618 रुपयांच्या पातळीवर बंद झाला होता. IBJA वेबसाईटवर उपलब्ध माहितीनुसार, आज सकाळी 999 शुद्धतेच्या सोन्याची किंमत म्हणजे 24 कॅरेट सोन्याचे दर प्रति दहा ग्रॅम 47864 रुपये (Gold rate AM) होते आणि चांदीची किंमत प्रति किलो 69966 रुपये होती.
चांदी 238 रुपयांनी वाढून 69117 रुपयांवर बंद
चांदीची किंमत आज तेजी नोंदविली गेली. चांदी 238 रुपयांनी वाढून 69117 रुपयांवर बंद झाली. मागील व्यापार सत्रात चांदी 68879 रुपयांवर बंद झाली होती. आंतरराष्ट्रीय बाजारात सोन्यावर दबाव आहे. दुपारी 4.30 वाजता जून डिलिव्हरीसाठी सोन्याचा भाव प्रति औंस 1,784.40 डॉलर होता, तो 8.70 डॉलरने घसरला. चांदीमध्येही किंचित घट झाली. यावेळी चांदीची 0.22 डॉलरच्या घसरणीसह प्रति औंस 26.35 डॉलरवर व्यापार करत होती. एका औंसमध्ये 28.34 ग्रॅम असतात.
MCX वर सोन्याचा डिलिव्हरी दर
MCX वर सोन्याची डिलिव्हरी किंमतही कमी होत आहे. जूनच्या डिलिव्हरीसाठी सोन्याचा भाव 398 रुपयांनी घसरून 47830 रुपये प्रति दहा ग्रॅम झाला आणि ऑगस्टच्या वितरणासाठी सोन्याचा भाव 404 रुपयांनी घसरून 48100 रुपये प्रति दहा ग्रॅम झाला.
MCX वर चांदीचा डिलिव्हरी दर
चांदीबद्दल बोलायचे झाल्यास मे डिलिव्हरीसाठी चांदीचा भाव प्रतिकिलो 621 रुपयांनी घसरून 69717 रुपये झाला आणि जुलैच्या चांदीचा भाव 600 रुपयांनी घसरून 70822 रुपये प्रति किलो झाला.