अमळनेर :- तालुक्यातील पिळोदे येथील कर्जबाजारी झाल्याने एका शेतकरी दांपत्याने गळफास लावून आत्महत्या केल्याची घटना बुधवारी घडली. लोटन रामराव पवार (वय ३५) व त्यांच्या पत्नी सुनीता लोटन पवार (वय ३३) असे आत्महत्या केलेल्या शेतकरी दांपत्याचे नाव आहे.
याबाबत सविस्तर असे की, पिळोदे येथील लोटन पवार व त्यांच्या पत्नी सुनीता पवार या शेतकरी दांपत्याने बुधवारी दुपारी दुपारी २ वाजेच्या सुमारास राहत्या घरी गळफास घेतला. लोटन पवार यांच्यावर राष्ट्रीयीकृत बँक, विविध कार्यकारी सोसायटी व खासगी सावकाराचे कर्ज होते. त्यांच्याकडे आठ बिघे जमीन होती. दोन वर्षांपासून सततच्या नापिकीमुळे ते अधिक कर्जबाजारी झाले होते. त्यांच्या पश्चात दोन मुले आहेत. मोठा मुलगा आठवीला तर लहान मुलगा चौथीला आहे. वृद्ध आई व दोन विधवा बहिणींची जबाबदारी त्यांच्यावर होती.
