जळगाव, लोकशाही न्यूज नेटवर्क
जळगाव शहरातील गणेश कॉलनीतील ‘अपना वाईन शॉप’समोर दोन मित्र घरी जात होते. दरम्यान तिथे भांडण सुरु असल्याने ते दोघे थांबले. मात्र, अज्ञात दोन जणांनीच त्या दोघांना धारदार शस्त्राने जखमी केल्याची घटना घडली आहे. याप्रकरणी सकाळी शहर पोलीस ठाण्यात अज्ञात दोन जणांविरोधात गुन्हा दाखल करण्यात आला आहे.
बाळासाहेब भाऊसाहेबर कुलथे (वय ३५, रा. शिंपी गल्ली, खंडेराव नगर) हा रिक्षा चालवून आपल्या कुटुंबियाचा उदरनिर्वाह करतो. शनिवारी ८ जानेवारी रोजी सायंकाळी ८ वाजेच्या सुमारास बाळासाहेब कुलथे हा मित्र दिपक बाविस्कर रा. खंडेराव नगर हे दोघे दारू पिऊन शहरातील गणेश कॉलनीतील अपना वाईन शॉपकडून घरी जात असतांना त्याठिकाणी काही व्यक्तींचे भांडण सुरू होते. दोघेजण भांडण सुरू असल्याचे पाहून काय झाले हे पहाण्यासाठी गेले असता अज्ञात दोन जणांना याचा राग आला.
दरम्यान अज्ञात दोघांनी धारदार शास्त्राने वार करून बाळासाहेब कुलथे आणि त्याचा मित्र दिपक बाविस्कर दुखापत केली. या दिपक बाविस्कर हा घटनास्थळाहून पळून गेला दरम्यान जखमी झालेला बाळासाहेब कुलथे याला काही नागरीकांना तातडीने जिल्हा शासकीय वैद्यकीय महाविद्यालयात दाखल करण्यात आले आहे.
याप्रकरणी रिक्षाचालक बाळासाहेब कुलथे यांच्या फिर्यादीवरून रविवारी ९ जानेवारी रोजी पहाटे शहर पोलीस ठाण्यात अज्ञात दोन जणांविरोधात गुन्हा दाखल करण्यात आला आहे. पुढील तपास पोलीस उपनिरीक्षक गणेश देशमुख करीत आहे.
