ओडिशा, लोकशाही न्यूज नेटवर्क
ओडिशाच्या बालासोर येथे एका व्यक्तीने लग्नादरम्यान मोठ्या आवाजात डीजे वाजवल्याने 63 कोंबड्यांना हार्ट अटॅक आल्याची घटना घडली आहे. याप्रकरणी शेजाऱ्याविरुद्ध तक्रार दाखल करण्यात आली आहे. त्याच्या वर ब्रॉयलर फार्ममध्ये 63 कोंबड्या मारल्याचा आरोप करत पोलिसांना अभूतपूर्व केस मिळाली.
निलगिरी पोलीस ठाण्यात दाखल केलेल्या तक्रारीत, कंडागराडी गावातील रहिवासी पोल्ट्री फार्म मालक रंजीत परिदा यांनी दावा केला आहे की, त्यांच्या शेजारी रामचंद्र परिदा यांच्या मिरवणुकीत डीजे वाजवलेल्या धमाकेदार संगीतामुळे त्यांच्या कोंबड्यांचा हृदयविकाराच्या झटक्याने मृत्यू झाला.
रंजीत यांच्या म्हणण्यानुसार, रविवारी रात्री 11.30 च्या सुमारास डीजे बँडसह मिरवणूक त्यांच्या शेताच्या समोरून गेली. डीजे त्यांच्या शेताजवळ येताच कोंबड्या विचित्र वागू लागल्या, काहींनी उड्याही मारल्या. रंजितने डीजेला आवाज कमी करण्याची वारंवार विनंती करूनही, कान फाटतील असे संगीत वाजत राहिले, परिणामी 63 कोंबड्यांचा मृत्यू झाला.
कोंबडा पडल्यानंतर कोंबडी फार्मच्या मालकाने कोंबड्यांना जिवंत करण्याचा प्रयत्न केला पण तो निष्फळ ठरला. त्यानंतर त्यांनी स्थानिक पशुवैद्यकाकडे तपासणी केली, त्यांनी निदान केले की मोठ्या आवाजामुळे पक्ष्यांना धक्का बसला आणि त्यामुळे त्यांचा मृत्यू झाला.
22 वर्षीय रंजीत, अभियांत्रिकी पदवीधर असून त्याला नोकरी मिळू शकली नाही म्हणून त्याने 2019 मध्ये सहकारी बँकेकडून 2 लाख रुपयांचे कर्ज घेऊन निलागिरी येथे स्वतःचे ब्रॉयलर फार्म सुरू केले.
सुरुवातीला त्याने शेजारी असलेल्या रामचंद्र यांच्याकडे नुकसान भरपाईची मागणी करून प्रकरण मिटवण्याचा प्रयत्न केला, मात्र नंतर त्याने नकार दिला. दुसरा कोणताही पर्याय नसताना रंजीतने रामचंद्राविरुद्ध निलगिरी पोलिस ठाण्यात तक्रार दाखल केली आणि मोठ्या आवाजात वाद्य आणि फटाक्यांमुळे पक्षी मारल्याचा आरोप केला.