भडगाव, लोकशाही न्युज नेटवर्क
जळगाव जिल्हा आदिवासी विकास विभाग कर्मचारी सोसायटी मर्या.ता. जि.जळगाव पंचवार्षिक निवडणूक सन 2022-2027 साठी निवडणूक घेण्यात आली. यामध्ये सहकार पँनल कडून चाळीसगाव तालुक्यातील वलठाण शासकीय आश्रम शाळेतील प्राथमिक शिक्षिका अलका वामन सरदार (Alka Vaman Sardar) या महिला राखीव मतदार संघातून प्रचंड बहुमताने विजयी झाल्या यावेळी सहकार पँनल चे नेतृत्व अशोक माळी सरांनी केले. अलका सरदार मँडम यांचे अनेक सामाजिक कामात पुढे राहतात.
सरदार मँडम यांनी काही काळ सार्वे ता.पाचोरा येथे सेवा दिली. जिल्ह्यातील शासकीय आश्रम शाळेतील विविध कर्मचारी वर्गाला नेहमी मदत व सहकार्य करत असतात. त्यामुळे त्या भरघोस मतांनी निवडून आल्या आहेत. विविध क्षेत्रातील उल्लेखनीय काम केल्याने विविध पुरस्कार मिळाले आहेत. या निवडीने अनेक क्षेत्रातील मान्यवरांनी व शासकीय आदिवासी आश्रम शाळा वलठाण ता.चाळीसगाव सर्व कर्मचारी वर्गाकडून अलका सरदार यांचा सत्कार करण्यात आला. या विजया बद्दल सर्वत्र अभिनंदन होत आहे.