लोकशाही, विशेष लेख
आफ्रिकन ब्लॅकवुडच्या (African Blackwood) नावावर जगातील सर्वात महागड्या लाकडाचा विक्रम आहे. तुम्ही 1 किलो आफ्रिकन काळ्या लाकडाच्या किंमतीला 10 तोळे सोने खरेदी करू शकता. जगात अनेक दुर्मिळ गोष्टी आहेत, ज्या कालांतराने दुर्मिळ होत आहेत. यामध्ये आफ्रिकन ब्लॅकवुडचाही समावेश आहे. साधारणपणे, भारतात पिकवले जाणारे चंदन सर्वात महाग असल्याचे सांगितले जाते, परंतु आफ्रिकन ब्लॅकवुड हे लाल चंदनापेक्षाही कितीतरी पटीने महाग आहे. एक किलो आफ्रिकन ब्लॅकवुड खरेदी करण्याऐवजी, तुम्ही 7 ते 10 तोळे सोने, एक आलिशान कार खरेदी करू शकता किंवा आंतरराष्ट्रीय सहलीला जाऊ शकता. जगातील सर्वात महागड्या वस्तूंच्या यादीत आफ्रिकन ब्लॅकवुडचे नाव समाविष्ट आहे.लोक भारतीय चंदनाला सर्वात महाग लाकूड मानतात, पण तसे नाही. वास्तविक एक किलो पांढरे किंवा लाल चंदन काही हजारांना विकले जाते, परंतु 1 किलो आफ्रिकन ब्लॅकवुड लाकडाची किंमत 7 ते 8 लाख रुपये (8,000 पौंड) आहे. आता आफ्रिकन ब्लॅकवुड वृक्षांची संख्या सध्या कमी होत चालली आहे. या वृक्षाचे, हे लाकूड वाढण्यास 60 वर्षे लागतात, त्यामुळे त्याची किंमत गगनाला भिडते. आफ्रिकन ब्लॅकवुडच्या किंमतींचा त्याच्या मागणीवर कोणताही परिणाम होत नाही हे देखील आश्चर्यकारक आहे. जगभरात आफ्रिकन ब्लॅकवुडचे खरेदीदार आहेत. त्यामुळे आफ्रिकन देशांमध्ये वाढणाऱ्या या लाकडाची मोठ्या प्रमाणात अवैध तस्करी होते.
आफ्रिकन ब्लॅकवुड महाग का जातो?
मध्य आणि दक्षिण आफ्रिकेतील 26 देशांमध्ये वाढणारे हे काळे लाकूड 25-40 फूट उंच आहे. इतर झाडांच्या तुलनेत आफ्रिकन ब्लॅकवुड्सची संख्या कमी होत आहे. त्याचे रोपटे लावल्यानंतर त्याचे झाड होण्यासाठी 60 वर्षे लागतात. ही झाडे फक्त आफ्रिकन देशांतील दुष्काळी भागात आढळतात. त्यामुळेच केनिया (Kenya) आणि टांझानियासारख्या (Tanzania) देशांमध्ये या काळ्या लाकडाच्या अवैध तस्करीची अनेक प्रकरणे समोर येत आहेत. अनेक तस्कर हे झाड तोडून रातोरात घेऊन जातात, त्यामुळे त्याची संख्या कमी होत आहे.आफ्रिकन ब्लॅकवुड महाग आहे कारण ते दुर्मिळ आहे. अनेक आलिशान फर्निचर आणि काही खास वाद्ये म्हणजे शहनाई, बासरी आणि अनेक वाद्ये यापासून बनवली जातात. पण आज ते इतके दुर्मिळ झाले आहे की ते फक्त श्रीमंत घराण्यातील फर्निचर आणि संगीत वाद्यांमध्ये वापरले जाते.
शब्दांकन : आनंद गोरे
