मुक्ताईनगर : चीन देशात कोरोनाच्या धर्तीवर हतबल झालेल्या नागरीकांनी जनता कर्फ्यु सारखी अभिनव कल्पना राबवून मृत्यूचे थैमान घालणाऱ्या कोरोना विषाणू या संसर्गजन्य आजाराला आटोक्यात आणले .त्याच धर्तीवर मुख्यमंत्री उद्धव ठाकरे आरोग्यमंत्री राजेश टोपे हे राज्यातील कोरोना परिस्थितीवर दररोज नियोजन व उपाय योजना करीत आहेत .त्यात चीन च्या धर्तीवर पंतप्रधान नरेंद्र मोदींनी जनता कर्फ्यु चे आवाहन देशातील नागरिकांना केले होते . त्यानुसार देशभरातील नागरिक या जनता कर्फ्युत सहभागी झालेले दिसून येत आहेत . जळगांव जिल्ह्यातील मुक्ताईनगरात देखील नागरिकांनी स्वतःला घरात ठेवून घेतल्याने जनता कर्फ्यु यशस्वी केला असून शहरात कौतुकास्पद कडकडीत बंद व शुकशुकाट दिसून येत आहे .कोरोनाच्या रूपाने देशावर आलेल्या महाभयंकर आपत्तीला एक पाऊल घरातच ठेवून नागरिकांनी सकारात्मक प्रतिसाद दिलेला दिसून येत आहे .
