भाजपचे राष्ट्रीय सरचिटणीस राम माधव यांचे ट्विटर अकाऊंट हॅक
वृत्त संस्था –
भाजपाचे राष्ट्रीय सरचिटणीस राम माधव यांचे ट्विटर अकाऊंट तुर्किश आर्मी ग्रुप या हॅकर ग्रुपने हॅक केल्याची माहिती समोर येते आहे. राम माधव यांच्या ट्विटर अकाऊंटमधली सगळी माहिती आमच्याकडे गोळा केली आहे. त्यांचे अकाऊंट आम्ही हॅक केले आहे. असा संदेश या ट्विटर अकाऊंटवर येतो आहे. तसेच I love pakistan असे लिहून हे अकाऊंट आम्हीच हॅक केले असल्याचे तुर्किश आर्मी ग्रुपने म्हटले आहे.
आय सपोर्ट तुर्की या नावाने देखील एक ट्विट करण्यात आले आहे. तसेच इतर अनेक ट्विट या ग्रुपकडून आता राम माधव यांच्या नावे टाकण्यात येत आहेत. तासाभरापूर्वीच एक रिट्विट राम माधव यांनी केल्याचे दिसते आहे त्यानंतरचे सगळे ट्विट मात्र तुर्किश आर्मी ग्रुपने पोस्ट केले आहेत.