जळगाव, लोकशाही न्यूज नेटवर्क
जळगाव तालुक्यातील आव्हाणे येथील ३१ वर्षीय तरूणाने धावत्या रेल्वेखाली आत्महत्या केल्याची घटना गुरूवारी ६ जानेवारी रोजी रात्री १० वाजेच्या सुमारास उघडकीला आली आहे. याप्रकरणी जळगाव तालुका पोलीसात अकस्मात मृत्यूची नोंद करण्यात आली आहे.
मयत तरुणाचे नाव अमोल छगन सपकाळे (वय ३१, रा. आव्हाणे ता.जि.जळगाव) असे आहे. अमोल छगन सपकाळे हा भाऊ रविंद्र आणि आई विजूबाई यांच्यासह वास्तव्याला आहे. हातमजूरी आणि वाहन चालकाचे काम करून कुटुंबियाचा उदरनिर्वाह करत होता. गुरूवारी ६ जानेवारी रोजी रात्री ९ वाजता आईला गावाला जावून येतो असे सांगून घराबाहेर निघाला.
अमोल हा गावाला न जाता आव्हाणे शिवारातील रेल्वे खंबा क्रमांक ३००/ ३७ ते ३२६ या दरम्यान धावत्या रेल्वेखाली आत्महत्या केली. आत्महत्या मागचे कारण अद्याप समजू शकले नाहीय. याप्रकरणी जळगाव स्टेशनमास्तर यांच्या खबरीवरून तालुका पोलीसात नोंद करण्यात आली. तालुका पोलीस ठाण्याचे पोलीस निरीक्षक रामकृष्ण कुंभार यांच्या मार्गदर्शनाखाली पोलीस कर्मचारी सुशील पाटील आणि दिपक कोळी यांनी घटनास्थळी धाव घेतली.
दरम्यान रात्री उशीरापर्यंत जिल्हा शासकीय वैद्यकीय महाविद्यालयात मृतदेह आणण्यात आला. शुक्रवार ७ जानेवारी रोजी सकाळी १० वाजता शवविच्छेदन करून मृतदेह नातेवाईकांच्या ताब्यात देण्यात आले आहे. याप्रकरणी पुढील तपास सुशील पाटील व दिपक कोळी करीत आहे.
