जळगाव (प्रतिनिधी) : जिल्ह्यात आज दिवसभरात केवळ ८७ पॉझिटीव्ह रूग्ण आढळून आले असून १८३ रूग्ण बरे होवून घरी परतले आहेत.
सलग चार- पाच आठवड्यांपासून जिल्ह्यातील कोरोनाचा उद्रेक कमी झाला आहे. रूग्ण संख्या कमी आढळून येत असून बरे होवून घरी जाणाऱ्यांची संख्या वाढली आहे. यामुळे एकूण बाधित आणि बरे झालेल्‍या रूग्ण संख्येतील तफावत कमी झालेली आहे. आजअखेरपर्यंत जिल्ह्यात एकूण पॉझिटीव्ह रूग्‍णांची संख्या ५२ हजार ९४९ झाली आहे; तर बरे होवून घरी गेलेल्‍या संख्या ५० हजार ५९१ वर पोहचली आहे. यामुळे जिल्‍ह्‍यासाठी हे दिलासादायक चित्र निर्माण झाले आहे. दरम्यान, आज जिल्ह्यात ०१ जणांचा कोरोनामुळे मृत्यू झाला. जिल्ह्यात आतापर्यंत १ हजार २५९ रुग्णांचा मृत्यू झाला आहे.
असे आढळले रूग्ण
जळगाव शहर – २५, जळगाव ग्रामीण- ०५, भुसावळ-१३, अमळनेर-१४, चोपडा-०१, पाचोरा-०२, भडगाव-०१, धरणगाव-०३, यावल-०१, एरंडोल-०१, जामनेर-०१, रावेर-१७, पारोळा-००, चाळीसगाव-००, मुक्ताईनगर-०१, बोदवड-०२, इतर जिल्ह्यातील-०० असे एकुण ८७ रूग्ण कोरोनाबाधित आढळून आले आहे.
दरम्यान, जिल्ह्यात आता १ हजार १९९ रूग्ण कोवीड सेंटरमध्ये उपचार घेत आहेत. दिलासादायक बाब अशी की जिल्ह्यातील रिकव्हरी दर ९५.५५ वर पोहचला आहे.
