एरंडोल | प्रतिनिधी
जम्मू व काश्मीरमध्ये भारतीय सैन्य दलात सेवेत असलेल्या जवानाच्या शहरातील नवीन वसाहतीमध्ये असलेल्या साई नगरातील घरात २ मे राेजी मध्यरात्रीच्या सुमारास अज्ञात चोरट्यांनी चोरी करून सोने, चांदीच्या दागिन्यांसह रोख रक्कम असा सुमारे अडीच लाख रुपयांचा ऐवज चोरून नेल्याची घटना घडली. यापूर्वी देखील साई नगर, लक्ष्मीनगर व आदर्श नगरमध्ये चोरी झालेली असल्यामुळे नवीन वसाहतींमधील रहिवाशांमध्ये भीतीचे वातावरण निर्माण झाले आहे.
