मुंबई : युवासेना अध्यक्ष आदित्य ठाकरे मुंबईतल्या वरळी मतदारसंघातून जोरदार शक्तीप्रदर्शन करत आज आपला उमेदवारी अर्ज दाखल करणार आहेत. मातोश्रीहून आदित्य ठाकरे रवाना झाले आहेत. प्रत्यक्ष जनतेत जाऊन शिवसेनेकडून निवडणूक लढणारे आदित्य हे ठाकरे घराण्यातले पहिलेच ठाकरे ठरले आहेत. त्यामुळे शिवसेनाप्रमुख बाळासाहेब ठाकरे यांच्या या नातवाच्या विधानसभा निवडणुकीकडे अख्ख्या महाराष्ट्राचे डोळे लागले आहेत.
लोकसभा निवडणुकीच्या काळापासून गावपातळीपर्यंत जाऊन जनतेशी संवाद साधणाऱ्या आदित्य ठाकरेंकरता, वरळी विधानसभा निवडणुकीचा पेपर तसा फारच सोपा झाला आहे.
