पाचोरा, लोकशाही न्यूज नेटवर्क;
पाचोरा ते गाळण रेल्वे स्थानका दरम्यान धावत्या रेल्वेखाली सापडुन एका अनोळखी इसमाचा दुर्दैवी मृत्यू झाल्याची घटना घडली आहे. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.
याबाबत पाचोरा पोलिसांकडून प्राप्त माहिती अशी की, पाचोरा ते गाळण रेल्वे स्थानका दरम्यान रेल्वे कि. मी. खंबा क्रं. ३६९ / ६ नजीक एका इसमाचा छन्नविच्छन्न अवस्थेत मृतदेह पडलेला असल्याची माहिती पाचोरा पोलिसांना मिळाली. पोलिस निरीक्षक अशोक पवार यांच्या आदेशानुसार पोलिस काॅन्स्टेबल सचिन निकम घटनास्थळी दाखल होवून त्यांनी घटनास्थळाचा पंचनामा केला. त्यानंतर मृतदेह पाचोरा ग्रामीण रुग्णालयात दाखल करण्यात आला आहे. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे. मयत इसमाची ओळख पटविण्याचे काम पाचोरा पोलिस करत आहेत.
