भोपाळ ;- मध्य प्रदेशचे पंचायत ग्रामीण विकास आणि कामगार विभागाचे मंत्री प्रल्हाद सिंह पटेल यांच्या बंगल्यात लावलेल्या कडुलिंबाच्या झाडाला चक्क आंब्याची रसाळ फळे आल्याची घटना समोर आली असून हे झाड चर्चेत आले आहे.
हे झाड कडुलिंबाचे आहे, मात्र त्याला आंब्याची फळे लागली आहेत. शनिवारी जेव्हा मंत्र्यांनी हे झाड पाहिले तेव्हा त्यांनाही आश्चर्य वाटले. या घटनेचा फोटो आणि व्हिडिओ त्यांनी सोशल मीडियावर शेअर केला आहे. त्यानंतर या झाडाची सर्वत्र चर्चा सुरू झाली. नवभारत टाइम्स डॉट कॉमने घटनास्थळी भेट दिली असता, त्यांनाही कडुलिंबाच्या झाडाला आंब्याची फळे येत असल्याचे दिसले.
या घटनेबाबत मंत्र्यानी सांगितले कि, आज माझ्या भोपाळ येथील निवासस्थानी कडुलिंबाच्या झाडावर आंब्याची फळे पाहिल्यावर माझे मन आनंदाने भरून आले, हा प्रयोग काही कुशल बागायतदारांनी केला असावा, जो आश्चर्यापेक्षा कमी नाही.’
