पूर्णा : तालुक्याच्या माटेगाव येथील एका २७ वर्षीय युवकाने शेती कर्जाला कंटाळून वैफल्यग्रस्त अवस्थेत शेतातील आंब्याच्या झाडाला गळफास लावून जीवन संपविले. ही घटना गुरूवारी (दि.१३) घडली.
पूर्णा तालुक्यातील माटेगाव येथील युवा शेतकरी अमोल देविदास बोबडे (वय २७) याने शेती पिकांवर कर्ज घेतले होते. हे कर्ज कसे फेडायचे? या विंवचनेतून वैफल्यग्रस्त होत माटेगाव शिवारातील आंब्याच्या झाडाला गळफास लावून आपली जीवनयात्रा संपवली. या घटनेची पूर्णा पोलीस ठाण्यात आकस्मित मृत्यूची नोंद करण्यात आली आहे.
