भातखंडे (प्रतिनिधी) येथील कर्मवीर तात्यासाहेब हरी रावजी पाटील किसान शिक्षण संस्थेच्या भातखंडे माध्यमिक विद्यालयातील ज्येष्ठ शिक्षक बी एन पाटील( भिकन नामदेव पाटील तळईकर) यांना नुकताच युवा पत्रकार असोसिएशन महाराष्ट्र व प्राईम न्यूज चॅनेल कोल्हापूर यांच्या तर्फे राज्यस्तरीय गुणवंत शिक्षक पुरस्काराने सन्मानित केल्याबद्दल नाशिक विभाग पदवीधर मतदार संघाचे लोकप्रिय आमदार डॉ. सुधीर तांबे यांनी अभिनंदन पर शुभेच्छा पत्र पाठवून पत्रातून त्यांनी आपण आपल्या अध्यापनात बरोबरच लोकाभिमुख वृत्तीने शैक्षणिक प्रशासन व सेवा क्षेत्रात दिलेल्या उल्लेखनीय योगदानाबद्दल आपणास युवा पत्रकार असोसिएशन महाराष्ट्र राज्य व प्राईड कोल्हापूर न्युज चॅनल यांच्या वतीने राज्यस्तरीय गुणवंत शिक्षक पुरस्कार व प्रदान करण्यात आला.
आपण विविध मानसशास्त्रीय शैक्षणिक प्रयोगिक पद्धतीचा वापर करून विद्यार्थ्यांचा सर्वांगीण विकास होण्यासाठी सदैव तत्पर असतात. तसेच राष्ट्रीय व आंतरराष्ट्रीय राज्यस्तरीय शैक्षणिक योगदान तसेच शिक्षण क्षेत्रात आपण केलेल्या समर्पित कार्यामुळे आपल्या कार्याचा उचित गौरव झाला याचा सर्वांना अभिमान आहे. भविष्यासाठी राष्ट्राचे सजग नागरिक तयार करणे हे कुठल्याही शिक्षण व्यवस्थेचे प्राथमिक ध्येय असते व ते आपण आपल्या कार्यकुशलतेने करत आहात व करत राहील याची मला खात्री आहे.
आपल्या पुढील कार्यास मी व माझ्या कुटुंबियांकडून हार्दिक शुभेच्छा
डॉ. सुधीर तांबे यांनी अशा पद्धतीने त्यांना शुभेच्छा पर अभिनंदन पर पत्र पाठवून त्यांचा गौरव केला.