लोकशाही न्यूज नेटवर्क
1969 च्या अपोलो 11 मोहिमेचा भाग म्हणून चंद्रावर पाऊल ठेवणाऱ्या तीन अमेरिकन अंतराळवीरांपैकी बझ ऑल्ड्रिन एक असून त्यांनी त्यांच्या 93 व्या वाढदिवशी लग्न केले आहे. त्यांनी शनिवारी त्यांची पत्नी डॉ. अंका फौर (63) यांच्यासोबतचे फोटो ट्विटरवर पोस्ट केले आहेत.या पोस्टमध्ये त्यांनी लिहिले की, लॉस एंजेलिस, कॅलिफोर्निया येथे एका छोट्या समारंभात लग्नगाठ बांधली.
https://twitter.com/TheRealBuzz/status/1616600085441159168/photo/1
माझ्या ९३ व्या वाढदिवसाच्या दिवशी मला लिव्हिंग लिजेंड्स ऑफ एव्हिएशनकडून सन्मानित केले जाईल. मी या संधीचा लाभ घेत हे जाहीर करत आहे की, माझे दीर्घकाळचे प्रेम डॉ. अंका फौर आणि मी लग्नगाठ बांधली आहे. आम्ही लॉस एंजेलिसमध्ये एका छोट्याशा खासगी समारंभात पवित्र विवाहात गुंतलो होतो आणि आम्ही किशोरांसारखे उत्साहित आहोत, असंही त्यांनी म्हटले आहे.
आतापर्यंत या पोस्टला 22,000 हून अधिक लाईक्स आणि 1.8 मिलियनहून अधिक व्ह्यूज मिळाले आहेत. तर अनेकांनी कमेंट केल्या आहेत.यात त्यांचे अभिनंदन केले आहे.
अपोलो 11 मोहिमेतील बझ हे एकमेव जीवंत सदस्य आहेत. बझ ऑल्ड्रिनने तीन वेळा लग्न केले आहे . अपोलो 11 मिशनच्या तीन सदस्यांच्या क्रूमधील ते एकमेव जीवंत सदस्य आहेत. तर नील आर्मस्ट्राँग हे चंद्रावर पाऊल ठेवणारे पहिले अंतराळवीर होते.
