जळगाव : जिल्ह्यात आज पुन्हा बरे होणाऱ्या रुग्णांपेक्षा बाधित रुग्ण अधिक आढळून आले आहे. आज जिल्ह्यात ५४ नवे रुग्ण आढळून आहे आहे. तर ४४ रुग्ण कोरोनामुक्त झाले आहे. दरम्यान, आज २ रुग्णांचा मृत्यू झाला आहे.
जळगाव जिल्ह्यात दिवाळीनंतर कोरोनाची दुसरी लाट येणार असल्याची भीती व्यक्त होत होती. त्यादृष्टीने आरोग्य यंत्रणाही सज्ज ठेवण्यात आली आहे. मात्र, अद्याप तरी ही लाट तीव्र स्वरुपात समोर आलेली नाही. गेल्या आठ- दहा दिवसांपासून नवे बाधित जास्त व बरे होणारे रुग्ण कमी अशी स्थिती होती. मात्र, तीन दिवसांपासून हे चित्रही बदलले आणि बरे होणाऱ्यांची संख्या नव्या रुग्णांपेक्षा जास्त दिसू लागली होती. मात्र आज पुन्हा बरे होणाऱ्या रुग्णांपेक्षा बाधित रुग्ण अधिक आढळून आले आहे.
जिल्ह्यात एकूण बाधितांची संख्या ५४६४३ झाली आहे. त्यात उपचार घेऊन बरे होऊन सुखरूप घरी गेलेले रुग्णांची संख्या ५२८३० आहे. जिल्ह्यात सध्या ५११ रूग्ण उपचार घेत आहे. जिल्ह्यात आज पर्यंत १३०२ रूग्णांचा उपचारादरम्यान मृत्यू झाला आहे.
असे आढळले रुग्ण:-
जळगाव शहर- १४, जळगाव ग्रामीणी-००, भुसावळ-१२, अमळनेर-०, चोपडा-१, पाचोरा-०, भडगाव-०, धरणगाव-४, यावल-१, एरंडोल-०, जामनेर-०, रावेर-१, पारोळा-५, चाळीसगाव-६, मुक्ताईनगर-६, बोदवड-१, इतर जिल्हे-३ असे एकूण ५४ रुग्ण आढळले आहेत.
