चुंचाळे, लोकशाही न्यूज नेटवर्क
यावल तालुक्यातील सावखेडा ते गायरान या रस्त्यावर चुंचाळे शिवारात २६ डिसेंबर २०२५ रोजी पिता पुत्र जखमी झाले होते. या अपघातात दहा वर्षीय बालकाचा मृत्यू झाला. या अपघातानंतर त्याच्यावर जळगाव येथे जिल्हा शासकीय वैद्यकीय महाविद्यालय व रुग्णालयात उपचार सुरु होते.
मिळालेल्या माहितीनुसार, चुंचाळे शिवारातून जातांना दुचाकी घसरून राकेश भरतसिंग बारेला (वय ३०) व त्यांचा मुलगा युसूफ बारेला (वय १०) हे दोघे जखमी झाले होते. दरम्यान बालकाची प्रकृती गंभीर असल्याने त्याला यावल ग्रामीण रुग्णालयातून जळगाव येथे हलविले होते. तेथे उपचारादरम्यान मृत्यू झाला.
याप्रकरणी हवालदार सुनील पाटील यांच्या फिर्यादीवरून यावल पोलिसात मृत बालकाचे वडील राकेश बारेला याच्या विरुद्ध अपघाताचा गुन्हा दाखल करण्यात आला आहे. याप्रकरणी उपनिरीक्षक पाराजी वाघमोडे करत आहे.
