चोरट्यांचा धुमाकूळ :वाईन शॉपचे दुकान फोडून १० लाखांचे दारू बॉक्स आणि रोकड लंपास
चोरट्यांचा धुमाकूळ :वाईन शॉपचे दुकान फोडून १० लाखांचे दारू बॉक्स आणि रोकड लंपास
जळगाव, :चोरट्यांनी डल्ला मारून एका वाईन शॉपमधील १२६ खोके आणि ७० हजारांची रोकड लंपास केल्याचा प्रकार आज सकाळी २३ रोजी उघडकीस आला असून यामुळे परिसरात खळबळ उडाली आहे. ईच्छादेवी चौफुलीजवळील अशोका लिकर गॅलरी या मद्यविक्री दुकानावर हि घटना घडली .
भुसावळ येथील रहिवासी अशोकशेठ नागराणी यांचे जळगाव शहरातील ईच्छादेवी चौफुलीजवळ महामार्गालगत दारू विक्रीचे दुकान आहे. दररोजप्रमाणे मंगळवारी रात्री त्यांनी दुकान बंद करून घरी परतले होते. पहाटेच्या सुमारास चोरट्यांनी शटर उचकवून दुकानात प्रवेश केला.
दारू आणि रोकडीसह डिव्हिआरही चोरीला
चोरट्यांनी दुकानातील गल्ल्यातील ७० हजार रुपये रोख रक्कम आणि १२६ बॉक्स देशी-विदेशी महागडी दारू चोरली आहे. एकूण चोरीची किंमत सुमारे १० लाख रुपये इतकी आहे. विशेष म्हणजे, चोरट्यांनी सीसीटीव्ही कॅमेरे फोडून डिव्हिआर यंत्रही चोरले, ज्यामुळे तपास अधिक कठीण झाला आहे.
घटनेनंतर उपविभागीय पोलीस अधिकारी संदीप गावीत, जिल्हापेठ पोलीस आणि एलसीबी (स्थानिक गुन्हे शाखा) यांनी घटनास्थळी भेट दिली. फॉरेन्सिक टीमने ठसे व अन्य पुरावे गोळा केले असून, अधिक तपास सुरू आहे. मुख्य रस्त्यावर असलेल्या दुकानात इतक्या मोठ्या प्रमाणावर झालेली चोरी ही पोलिसांसमोर मोठे आव्हान ठरली आहे.
