लोकशाही न्यूज नेटवर्क
गेल्या काही दिवसांपासून राज्याच्या राजकारणात मोठ्या घडामोडी घडत असून उद्धव ठाकरे यांचे 9 पैकी 6 खासदार एकनाथ शिंदे यांच्या शिवसेनेत जाणार असल्याच्या चर्चा सुरू होत्या. मात्र यामध्ये धाराशिवचे खासदार ओमराजे निंबाळकर यांची भूमिका सुरुवातीपासून तळ्यात मळ्यात असल्याचे पाहायला मिळत आहे. या सगळ्यावर ते मतदारसंघात जाऊन कार्यकर्त्यांशी चर्चा करणार असून त्यानंतर आपली भूमिका जाहीर करणार आहेत. आता या सर्व नाट्यमय घडामोडींमध्ये मोठा ट्विस्ट निर्माण झालाय. सूत्रांनी दिलेल्या माहितीनुसार, ओमराजे निंबाळकर यांनी उद्धव ठाकरे यांच्याकडे निरोप पाठवला असून सोमवारी भेटायला येणार असल्याचे त्यांनी सांगितले.
दरम्यान मध्यरात्री देखील आमदार कैलास पाटील आणि वरून सरदेसाई यांनी ओमराजे निंबाळकर यांची भेट त्यांची समजूत काढण्याचा प्रयत्न केला असून पुणे येथील निवासस्थानी ही भेट झाली. आदित्य ठाकरे यांनी म्हटले की, शिवसेना पक्षप्रमुख उद्धव ठाकरे यांचे मन खूप मोठे आहे. जे कोणी मोठ्या मनाने पक्षात येऊ इच्छितात त्यांचे स्वागत आहे. खासदार ओमराजे निंबाळकर यांनी मी अजून कोणत्याही पक्षात गेलो नाही असे वक्तव्य केले होते. त्यावर बोलताना आदित्य ठाकरे म्हणाले की, परवा झालेल्या बैठकीला ते आले होते आणि ते आम्हा सर्वांना दिसले आहे. जर कोणाला परत यायचं असेल तर येऊ शकतात.
