लोकशाही न्यूज नेटवर्क
कोरोना काळानंतर वर्क फ्रॉम होमाची संकल्पना संकल्पना प्रायव्हेट कंपन्यांमध्ये मोठ्या प्रमाणात राबवण्यात येत आहे. याच काळात वायफाय राऊटर आणि इंटरनेटचा मोठ्या प्रमाणात वापर केल्याची माहिती समोर आली होती. अशातच तुम्हीही जर वायफाय राऊटर वापरत असाल तर आत्ताच सावध व्हा! कल्याणमधून एक धक्कादायक घटना समोर आली आहे. वायफाय राऊटरचा ब्लास्ट झाल्याने तीन जण जखमी झाल्याने कल्याणमध्ये खळबळ उडाल्याचं पहायला मिळतंय.
कल्याणमध्ये वायफाय राऊटरचा ब्लास्ट झालेल्या घटनेमध्ये तीन जण जखमी झाल्याची माहिती पोलिसांनी आली आहे. या तिघांना खाजगी रुग्णालयात उपचार सुरु करण्यात आलं आहे. या ब्लास्टमध्ये एकाच्या तोंडाला जखमा झाल्यात तर दोघांच्या अंगाला भाजल्याचा समोर आलं आहे. प्रकरण चौकीत गेल्यानंतर पोलिसांनी यावर कारवाई करण्यास सुरुवात केली आहे. केबल चालकाच्या विरोधात डोम्बवली टिळक नगर पोलीस स्टेशन मध्ये गुन्हा दाखल करण्यात आल्याची माहिती समोर आली आहे. जखमी झालेल्या दोघांजणांना मुंबईच्या हॉस्पिटलमध्ये दाखल करण्यात आल्याची माहिती समोर आली आहे.
