जळगाव : राष्ट्रवादी काँग्रेस (अप गटा) चे पदाधिकारी विनोद पंजाबराव देशमुख यांना तीन वर्षांपूर्वी दाखल झालेल्या गुन्ह्यात मध्यरात्री पोलिसांनी अटक केली आहे.
याबाबत माहिती अशी की, दि. 31 ऑक्टोबर 2022 रोजी व्यावसायिक मनोज वाणी यांच्या कार्यालयावर झालेल्या हल्ल्याच्या प्रकरणी विनोद देशमुख यांच्याविरुद्ध दरोडा व जीवे मारण्याच्या धमकीचा गुन्हा दाखल करण्यात आला होता. हा गुन्हा दि. 12 नोव्हेंबर 2022 रोजी रामानंद नगर पोलीस ठाण्यात नोंदवण्यात आला होता. दरम्यान, तपासाच्या अनुषंगाने मंगळवार दि. 23 सप्टेंबर रोजी रामानंदनगर पोलीस ठाण्याचे पोलीस निरीक्षक राजेंद्र गुंजाळ व त्यांच्या पथकाने कारवाई करत विनोद देशमुख यांना अटक केली. ही कारवाई मध्यरात्रीच्या सुमारास करण्यात आल्यामुळे शहरात एकच खळबळ उडाली आहे. गेल्या आठवड्यात व्यावसायिक मनोज वाणी यांनी विनोद देशमुख हा उपमुख्यमंत्री अजित पवार यांच्या नावाचा वापर करुन फसवणूक करीत पोलिसांची दिशाभूल करीत असल्याचा आरोप केला होता. गेल्या तीन वर्षांनंतर अखेर विनोद देशमुख याला अटक करण्यात पोलिसांना यश आले आहे. विनोद देशमुख यांना न्यायालयात हजर करण्यात येणार असल्याची माहिती गृह विभागाकडून देण्यात आली.
