बैलगाडीला कारची जोरदार धडक; बैल ठार, दोन जण जखमी

0

वरणगाव, लोकशाही न्यूज नेटवर्क

भुसावळ तालुक्यातील दर्यापूर येथील शेतकरी पती पत्नी बैलगाडीने शेतात जात असताना मागून येणाऱ्या कारने जोरदार धडक दिल्याने बैलगाडीचा एक बैल ठार झाला तर दोघ जखमी झाले

तालुक्यातील दर्यापूर येथील शेतकरी सतिष पद्माकर पाटील हे आपल्या पत्नी सोबत सकाळी सात वाजेच्या सुमारास बैलगाडी घेऊन राष्ट्रीय महामार्गाने शेतात जात असतांना त्यांच्याच मागून भरधाव येणाऱ्या कार क्रमांक एच एच ३०, बी बी ७९७९ चे समोरील टायर पुटल्याने कार वरील चालकाचे नियंत्रण सुटल्याने सरळ बैलगाडीला जोरदार धडक दिल्याने बैलगाडी रस्त्याच्या कडेला उलटल्याने एका बैलाचा जागीच मृत्यू झाला. तर एक बैल गंभीर अवस्थेत आहे. शेतकरी सतिष पाटील व त्यांची पत्नी सुरेखा पाटील हे दोघे जखमी असून त्याच्यावर जळगाव येथील खासगी रुग्णालयात उपचार घेत आहे. दरम्यान याबाबत अद्याप वरणगाव पोलीस ठाण्यात अपघाताची नोंद झालेली नव्हती.

तळवेल, दर्यापूर गावाजवळ समांतर रस्त्याची मागणी

मागील आठवड्यात याच परिसरात पिंपळगाव येथील युवकाचा अपघाती मृत्यू झाला होता. या दोन्ही गावातील नौकरदार, शाळेत जाणारे विद्यार्थी याच राष्ट्रीय महामार्गावर एसटी बस पकडण्यासाठी उभे राहतात. तर शेतकऱ्यांना याच मार्गावरून बैलगाडी घेऊन शेतात जावे लागत असल्याने असे अपघात या ठिकाणी वांरवार होत असतात. यामुळे सदर राष्ट्रीय महामार्गाला संमातर रस्त्याची मागणी जोर धरू लागली आहे.

Leave A Reply

Your email address will not be published.