पाचोरा, लोकशाही न्युज नेटवर्क
पाचोरा ते परधाडे रेल्वे स्थानका दरम्यान रेल्वे कि. मी. खंबा क्रं. ३७८ / ४ / ५ नजीक ३१ मे रोजी पहाटे ३ वाजेच्या सुमारास धावत्या प्रवाशी रेल्वेतुन पडल्याने एका अनोळखी इसमाचा दुर्दैवी मृत्यू झाल्याची घटना उघडकीस आली आहे. घटनेची माहिती मिळताच पाचोरा लोहमार्ग पोलिस दुरक्षेत्राचे हवालदार निलेश महाजन हे जय मल्हार रुग्णवाहिका चालक बबलु मराठे यांचेसह घटनास्थळी दाखल होवुन घटनास्थळाचा पंचनामा करुन मृतदेह रुग्णवाहिका चालक बबलु मराठे यांच्या मदतीने पाचोरा ग्रामीण रुग्णालयात दाखल करण्यात आला आहे. घटनेप्रकरणी पाचोरा लोहमार्ग पोलिस दुरक्षेत्रात अकस्मात मृत्यूची नोंद करण्यात आली असून मयताची ओळख पटविण्याचे काम पाचोरा लोहमार्ग पोलीस दुरक्षेत्राचे हवालदार निलेश महाजन हे करीत आहे.
