मुक्ताईनगर, लोकशाही न्यूज नेटवर्क
कुऱ्हा येथे अवैध वाळू वाहतूक करताना दोन ट्रॅक्टर जप्त करण्यात आले. ट्रॅक्टर क्र. एमएच 19 बीजी 7911 नितीन सुभाष घोंगटे रा. आवा ता. मोताळा व दुसरे विना क्रमांकचे गोपाळ मुमराज पवार रा. बोरखेडा यांच्या मालकीचे हे दोन्ही ट्रॅक्टर थेरोळा रोड कुऱ्हा येथे अवैधरित्या वाळू वाहतूक करताना दिनांक 15 मार्च 2025 रोजी आढळून आले होते. सदर दोन्ही ट्रॅक्टर जप्त करून कुऱ्हा दूरक्षेत्र येथे जमा करण्यात आले.
गिरीश वखारे तहसीलदार मुक्ताईनगर यांच्या सह विलास गायकी, तलाठी कोथळी, पवन शेलार तलाठी कुऱ्हा, विशाल जाधव तलाठी वढोदा, नागेश हिरोळे कोतवाल कुऱ्हा यांनी ही कारवाई केली. या कारवाईत सहा. पोलीस निरीक्षक संतोष चौधरी, हरीश गवळी, प्रदीप इंगळे, पोलीस कॉन्स्टेबल सागर सावे कुऱ्हा दूरक्षेत्र मुक्ताईनगर पोलीस स्टेशन यांनी सहकार्य केले.
