पाचोरा रेल्वे स्थानकाजवळ धावत्या रेल्वेचा धक्का लागल्याने २१ वर्षीय युवकाचा दुर्दैवी मृत्यू

पाचोरा | प्रतिनिधी
पाचोरा येथील रेल्वे स्थानकाजवळ कोणत्या तरी धावत्या रेल्वेचा धक्का लागल्याने २१ वर्षीय युवकाचा दुर्दैवी मृत्यू झाल्याची घटना दि. १९ जुन रोजी दुपारच्या सुमारास उघडकीस आल्याने एकच खळबळ उडाली आहे. घटनेप्रकरणी पाचोरा लोहमार्ग पोलिस दुरक्षेत्रात अकस्मात मृत्यूची नोंद करण्यात आली आहे.
उत्राण ता. एरंडोल येथील रहिवाशी जयवंत नरेंद्र चौधरी (वय – २१) हा दि. १९ जुन रोजी दुपारच्या सुमारास रेल्वे खंबा कि. मी. क्रमांक ३७० / ३० जवळ अप साईडची रेल्वे लाईन क्रास करत असतांना कोणत्या तरी धावत्या रेल्वेचा धक्का लागल्याने जयवंत चौधरी या अविवाहित युवकाचा जागीच मृत्यू झाल्याची दुर्दैवी घटना घडली. मयत जयवंत चौधरी याचे पाश्चात्य वृद्ध आई, एक विवाहित बहिण असा परिवार असुन जयवंत हा ट्रक्टरवरुन मजुर पोहचविण्याचे काम करत आपल्या परिवाराचा उदरनिर्वाह चालवत होता. जयवंत याचे अकस्मात निधनाने उत्राण परिसरात शोककळा पसरली आहे. घटनेप्रकरणी पाचोरा लोहमार्ग पोलिस दुरक्षेत्रात अकस्मात मृत्यूची नोंद करण्यात आली असून या घटनेचा पुढील तपास चाळीसगाव लोहमार्ग पोलिस दुरक्षेत्राचे ए. पी. आय. किसन राख यांच्या मार्गदर्शनाखाली पोलिस हेड कॉन्स्टेबल सुभाष बोरसे हे करीत आहे.