देवीच्या विसर्जन मिरवणुकीत हाणामारीचा थरार

लोकशाही न्यूज नेटवर्क 

देवीच्या विसर्जन मिरवणुकीत धक्का लागल्याच्या कारणाने दोन गटात तुफान हाणामारी झाल्याची धक्कादायक घटना खेडी कढोली येथे घडली. या हाणामारीत तेरा जण जखमी झाले असून यातील दोघांची प्रकृती गंभीर असल्याचे सांगण्यात आले आहे. ही घटना सोमवारी ६ ऑक्टोबर रोजी सायंकाळी ७ वाजेच्या सुमारास घडली. यामध्ये दोन्ही गटातील एकूण १३ जण जखमी झाले आहेत. जखमी झालेल्या सर्वांना शासकीय वैद्यकीय महाविद्यालयात उपचारासाठी दाखल करण्यात आले आहे. यावेळी दोन्ही गट पुन्हा रुग्णालयात समोरासमोर आल्याने तणावाचे वातावरण निर्माण झाले होते. यावेळी पोलिसांना पाचारण करण्यात आले.

या संदर्भात एरंडोल पंचायत समितीचे माजी सभापती मोहन सोनवणे यांनी दिलेल्या माहितीनुसार, एरंडोल तालुक्यातील खेडी कढोली येथे जुन्या वादातून सोमवारी ६ ऑक्टोबर रोजी सायंकाळी ७ वाजता देवीच्या विसर्जन मिरवणुकीमध्ये धक्काबुक्की करत दोन गटात तुफान हाणामारी झाली. दोन्ही गटातील एकूण १३ जखमी झाले असून यातील दोन जणांची प्रकृती चिंताजनक आहे. गंभीर जखमी झाले आहे. दोन्ही गटातील जखमी झालेल्या व्यक्तींना शासकीय वैद्यकीय महाविद्यालयात दाखल करण्यात आले.

दरम्यान, यावेळी दोन्ही गट समोरासमोर आल्याने पुन्हा वाद निर्माण झाला. यावेळी जिल्हापेठ पोलीस ठाण्याच्या पोलिसांना पाचारण करण्यात आले. त्यानंतर पोलिसांनी परिस्थिती नियंत्रण आणले. यानंतर जखमींवर उपचार करण्यात आले. या संदर्भात अद्याप पोलिसात कुठलीही नोंद करण्यात आलेली नाही. या घटनेमुळे खेडी कडोली गावामध्ये खळबळ उडाली आहे.

जखमींची नावे

• प्रकाश सिताराम सोनवणे (वय २७)
• सोनान नारायण सोनवणे (वय २०)
• संदीप सिताराम सोनवणे (वय ३०)
• ऋषिकेश विठ्ठल सोनवणे (वय ३०)
• संतोष ऋषिदास सोनवणे (वय २०)
• पुरुषोत्तम मोहन सोनवणे (वय ३०)
• किरण युवराज सोनवणे (वय ४०)
• नितीन अरुण सोनवणे (वय २८)
• अरुण लहू सोनवणे (वय ४९)
• मंगलाबाई सुरेश सोनवणे (वय ५७)
• युवराज लहू सोनवणे (वय ६०)
• दुर्गेश एकनाथ सोनवणे (वय ३२)
• राहुल मोहन सोनवणे (वय ३५)