चंद्रपूर, लोकशाही न्यूज नेटवर्क
भद्रावतीत शहर येथील एकादशी महोत्सवाच्या उत्साहात विठ्ठल रखुमाई मंदिरात होणाऱ्या विविध धार्मिक कार्यक्रमांची तयारी जोरात सुरू आहे. श्री विठ्ठल मंदिर देवस्थान कमिटी, किल्ला वार्ड, भद्रावती यांच्या वतीने 6 जून, रविवार रोजी सकाळी साडेनऊ ते अकरा या वेळात विठ्ठल रखुमाई मूर्तीची महापूजा व अभिषेक आयोजित करण्यात आला आहे. या महत्त्पूर्ण पूजेचे उद्घाटन माजी मंत्री व आमदार सुधीर मुनगंटीवार यांच्या हस्ते होणार आहे. पूजेच्या समाप्तीला रात्री साडेआठ वाजता ह.भ.प. सुवर्णाताई प्रकाश पिंपळकर व संघ भद्रावती यांचे कीर्तन सादर केले जाणार आहे, जे भक्तांसाठी एक आध्यात्मिक अनुभव ठरेल.
प्रसंगी आषाढी एकादशीच्या दुसऱ्या दिवशी म्हणजेच 6 जुलै सोमवार रोजी सकाळी साडेनऊ वाजता विठ्ठल रखुमाई पालखीची भव्य शोभायात्रा निघणार आहे. विठ्ठल मंदिर देवस्थान येथून सुरू होणारी ही शोभायात्रा वाल्मीक चौक, जुना बस स्टँड, गांधी चौक आणि परत विठ्ठल मंदिर या मार्गाने जाईल. या कार्यक्रमाचे उद्घाटन खासदार प्रतिभाताई धानोरकर, आमदार करण देवतळे, माजी नगराध्यक्ष अनिल धानोरकर, तहसीलदार राजेश भांडारकर, ठाणेदार योगेश पारधी, नगरपरिषदेचे मुख्याधिकारी डॉक्टर विशाखा शेळके, गटशिक्षणाधिकारी डॉक्टर प्रकाश महाकाळकर, ज्येष्ठ सामाजिक कार्यकर्ते बळवंतराव गुंडावार, मनोहर राव पारधे आणि सुषमाताई शिंदे यांच्या उपस्थितीत होणार आहे.
तसेच शोभायात्रेत १३ ते १५ भजन मंडळे सहभागी होतील, ज्यामुळे भक्तांना भक्तीगानांचा दिव्य संचार अनुभवायला मिळेल. तसेच, सकाळी ११ वाजता कीर्तन व गोपालकाला कार्यक्रम भावनाताई तन्नीरवार आणि संच, चंद्रपूर यांच्या उपस्थितीत पार पडणार आहे. दुपारी अडीच वाजता महाप्रसादाचा आयोजन देखील करण्यात येणार असून, भाविकांनी या सर्व धार्मिक व सांस्कृतिक कार्यक्रमांचा नक्कीच आस्वाद घ्यावा, असे आवाहन कार्यक्रम संयोजक चंद्रकांत गुंडावार यांनी केले आहे.
भद्रावतीतील या कार्यक्रमांमुळे स्थानिकांच्या श्रद्धा-भक्तीला नवी उंची लाभणार असून, विठ्ठल रखुमाईच्या भक्तांसाठी हा काळ अत्यंत पवित्र आणि आनंदाचा असेल. येत्या आषाढी एकादशीच्या पार्श्वभूमीवर या उत्सवाने एकत्रीतपणा व धार्मिक संस्कृतीची ओढ वाढविण्याचे कार्य निश्चितच केले आहे.
