लोकशाही न्यूज नेटवर्क
राजधानी दिल्लीमध्ये अंगाचा थरकाप उडवाणारी घटना घडली आहे. इमारतीच्या सातव्या मजल्याला भीषण आग लागली. आगीपासून वाचण्यासाठी सातव्या मजल्यावरून तीन जणांना उडी मारल्याचं समोर आले आहे. या तिघांचाही मृत्यू झाला आहे. यामध्ये वडील आणि दोन मुलांचा समावेश आहे. ही आग नेमकी कशामुळे लागली, याचं कारण अद्याप समोर आलेले नाही. अग्निशामन दलाकडून आग विझवण्याचे प्रयत्न सुरू आहेत.
दिल्लीतील द्वारका सेक्टर-13 मध्ये आज सकाळी एका इमारतीच्या सातव्या मजल्यावर आग लागली. आग इतकी भीषण होती की अनेक लोकांनी घाबरून इमारतीवरून खाली उड्या मारल्या. त्यांना गंभीर अवस्थेत रुग्णालयात दाखल करण्यात आले. रूग्णालयात उपचारावेळी तीन जणांचा मृत्यू झाला. डीएफएसच्या एका अधिकाऱ्याने सांगितले की, आग विझवण्याचे काम अद्याप सुरू आहे. परंतु आग लागण्याचे कारण अद्याप समजू शकलेले नाही.
मिळालेल्या माहितीनुसार, ३५ वर्षीय यश यादव यांनी आग लागल्यानंतर आपल्या दोन मुलांसह इमारतीच्या सातव्या मजल्यावरून उडी मारली होती. रुग्णालयात उपचारादरम्यान तिघांचाही मृत्यू झाला. सकाळी सुमारे १० वाजता एमआरव्ही शाळेजवळील शब्द अपार्टमेंटच्या सातव्या मजल्यावर आग लागल्याची माहिती अग्निशमन दलाला मिळाली.
बघा व्हिडिओ..
https://www.instagram.com/reel/DKttp_7A6-A/?utm_source=ig_web_copy_link&igsh=MzRlODBiNWFlZA==
आग लागल्याची माहिती मिळताच अग्निशमन दलाच्या आठ गाड्या घटनास्थळी पोहोचल्या. अग्निशामन दलाकडून आग विझवण्याचे काम सुरू आहे. या आगीमध्ये तीन जणांचा मृत्यू झाला आहे. तर अनेकजण जखमी असल्याची माहिती मिळाली आहे. जखमींवर जवळच्या रूग्णालयात उपचार सुरू आहेत.
