भाजपा, अध्यात्मिक आघाडीच्या लघुरुद्र अनुष्ठानला प्रतिसाद

लोकशाही न्यूज नेटवर्क 

ठाणे, : भारतीय जनता पार्टी व अध्यात्मिक समन्वय आघाडीच्या वतीने महाशिवरात्रीच्या निमित्ताने पवित्र वातावरणात होमात्मक लघुरुद्र अनुष्ठान पार पडले. आमदार निरंजन डावखरे व विकास घांगरेकर यांनी कार्यक्रमाचे आयोजन केले होते.

महाशिवरात्रीचे औचित्य साधून छत्रपती शिवाजी मैदानात पार पडलेल्या होमात्मक लघुरुद्र अनुष्ठानात ५१ दांपत्यांनी सहभाग घेतला. सकाळपासूनच अत्यंत पवित्र वातावरणात होमाला सुरुवात झाली. भगवान शिवशंकराची आराधना करण्याबरोबरच ठाणेकरांच्या निरोगी आरोग्यासाठी प्रार्थना करण्यात आली. या होमाच्या ठिकाणी शेकडो ठाणेकरांनी दर्शन घेतले.

तसेच श्री शिवशंकराच्या पिंडीला अभिषेक घातला.

महाशिवरात्रीच्या पार्श्वभूमीवर कोरोनारुपी संकट पूर्णपणे दूर होण्यासाठी आज प्रार्थना करण्यात आली. तसेच होमात्मक लघुरुद्र अनुष्ठानातून सुखसमृद्धीसाठी प्रार्थना करण्यात आली, असे आमदार निरंजन डावखरे यांनी सांगितले.

LEAVE A REPLY

Please enter your comment!
Please enter your name here