जळगाव : – जळगाव शहरातून हद्दपार करण्यात आलेला गुंड चॉपर बाळगून सुप्रीम कॉलनी परिसरात दहशत माजवीत असल्याने एमआयडीसी पोलिसांनी त्याला ताब्यात घेऊन गजाआड केले आहे. दिनकर उर्फ पिण्या रोहिदास चव्हाण (रा.सुप्रीम कॉलनी, जळगाव) असे या गुंडांचे नाव आहे.
एमआयडीसी निरीक्षक जयपाल हिरे यांना दिनकर चव्हाण हा चॉपरसह दहशत माजवत असल्याची गोपनीय माहिती मिळाल्याने त्यांनी पथकाला कारवाईचे आदेश दिले. एमआयडीसी परीसरातील रामदेव बाबा मंदिर, सुप्रीम कॉलनी भागात संशयित हत्यारासह असल्याचे आढळून आल्याने त्याला पथकाने ताब्यात घेतले. पोलीस निरीक्षक जयपाल हिरे यांच्या मार्गदर्शनाखाली पोलीस उपनिरीक्षक आनंदसिंग पाटील, किशोर पाटील, विकास सातदिवे, ईश्वर भालेराव आदींनी ही कारवाई केली. कॉन्स्टेबल ललित नारखेडे यांनी या प्रकरणी दिलेल्या फिर्यादीनुसार गुन्हा दाखल करण्यात आला. तपास किशोर पाटील करीत आहेत.
