हरिविठ्ठल नगरात प्रौढाने घेतला गळफास
जळगाव ;- जळगाव शहरातील हरिविठ्ठल नगरात सुभाष मोतीराम पाटील (वय ५३, रा. नवनाथ नगर) यांनी घरात एकटे असताना गळफास घेऊन आत्महत्या केल्याची घटना रविवारी सायंकाळी साडेसहा वाजेच्या सुमारास समोर आली. याबाबत रामानंद नगर पोलीस सटेशनला अकस्मात मृत्यूची नोंद करण्यात आली आहे.
सुभाष पाटील हे पत्नी आणि तीन मुलांसह वास्तव्यास होते. रविवारी सकाळी घरातील सर्व सदस्य कामावर गेलेले असल्याने ते एकटे होते. दुपारी कोणीही नसताना त्यांनी घरात दोरीच्या सहाय्याने गळफास घेत आपले जीवन संपविले.
सायंकाळी त्यांच्या मुलाने घरी आल्यानंतर वडील गळफास घेतलेल्या अवस्थेत आढळले. मृतदेह पाहताच मुलाने आक्रोश व्यक्त केला. घटनेची माहिती मिळताच पोलीस पो.हे.कॉ. जितेंद्र राठोड घटनास्थळी पोहोचले. त्यांनी पंचनामे करून मृतदेह शासकीय वैद्यकीय रुग्णालयात पाठविला, जिथे वैद्यकीय अधिकाऱ्यांनी तपासणी करून सुभाष पाटील यांना मयत घोषित केले.
आत्महत्येचे कारण अद्याप स्पष्ट नाही, पोलिसांनी तपास सुरू केला आहे.
