तरूणाची झाडाला गळफास घेवून आत्महत्या

जळगाव, लोकशाही न्यूज नेटवर्क

एरंडोल तालुक्यातील वैजनाथ येथील २३ वर्षीय तरूणाने शेतातच झाडाला गळफास घेवून आत्महत्या केल्याची घटना आज सकाळी समोर आली आहे. याप्रकरणी शनीपेठ पोलीस ठाण्यात अकस्मात मृत्यूची नोंद करण्यात आली आहे. आत्महत्या करण्याचे नेमके कारण कळू शकले नाही

नितीन शालीग्राम पाटील (वय २३, रा. वैजनाथ ता. एरंडोल) असे गळफास घेतलेल्या तरूणाचे नाव आहे. धरणगाव तालुक्यातील वैजनाथ येथील नितीन शालीग्राम पाटील हा तरुण कुटुंबियांसोबत वासव्यास आहे. त्याचा मोठा भाऊ पुणे येथे खासगी कंपनीत नोकरीला असून नितीन हा घरी वडीलांना शेतीकामात मदत करीत होता.

शेतात रात्रीची लाईट असल्याने नितीन हा रात्री शेतात पाणी भरण्यासाठी गेला होता. आज सोमवारी ७ फेब्रुवारी रोजी सकाळी सुमारास नितीनचे काका भगवान पाटील हे त्यांच्या शेतात गेल्याने त्यांना नितीनने झाडाला गळफास घेवून आत्महत्या केल्याचे दिसून आले. आत्महत्या करण्याचे नेमके कारण कळू शकले नाही. त्यांनी तात्काळ या घटनेची माहिती आपल्या भावाला दिली.

दरम्यान त्यांनी घटनास्थळी धाव घेत नितीनचा मृतदेह शासकीय वैद्यकीय महाविद्यालयात दाखल केला. त्याची तपासणी केली असता, त्याला मयत घोषीत केले. मयत नितीनच्या पश्चात त्याच्या पश्‍चात आई, वडील, मोठा भाऊ, विवाहित बहिण असा परिवार आहे.

 

LEAVE A REPLY

Please enter your comment!
Please enter your name here