लोकशाही न्यूज नेटवर्क
बिर्याणीनंतर कलिंगड खाऊन मुंबईत चौघांचा मृत्यू झाला असल्याची बातमी ताजी असतानाच, नाशिकमधून धक्कादायक बातमी समोर आली आहे. एका २० वर्षीय मुलाने अंघोळीचा साबण खाल्ला असल्याची माहिती समोर आली आहे. हादरवणारी बाब म्हणजे साबण खाऊन या मुलाचा दुर्दैवी मृत्यू झाला आहे. या घटनेने मुलाच्या कुटुंबियांवर दुःखाचा डोंगर कोसळला असून शवविच्छेदन अहवाल समोर आल्यावर नेमकं कारण स्पष्ट होईल.
मिळालेल्या प्राथमिक माहितीनुसार, अथर्व द्विवेदी असे मृत तरुणाचे नाव आहे. अथर्वने नकळतपणे अंघोळीचा साबण खाल्ल्याचे सांगितले जात आहे. त्यानंतर त्याची प्रकृती अचानक बिघडली. कुटुंबीयांनी तत्काळ त्याला जवळच्या रुग्णालयात दाखल केले. मात्र, डॉक्टरांनी तपासणी केल्यानंतर त्याला मृत घोषित केले. या घटनेमुळे कुटुंबावर दु:खाचा डोंगर कोसळला आहे.
अथर्व हा ‘स्पेशल चाइल्ड’ असल्याची माहिती समोर आली आहे. त्यामुळे ही घटना अधिकच संवेदनशील ठरत असून, त्याने साबण का खाल्ला? यामागील नेमके कारण अद्याप अस्पष्ट आहे. या प्रकरणी इंदिरा नगर पोलिस ठाण्यात अकस्मात मृत्यूची नोंद करण्यात आली आहे. पोलिसांनी या घटनेचा तपास सुरू केला असून, नेमकी घटना कशी घडली याचा शोध घेतला जात आहे. तसेच, वैद्यकीय अहवालाच्या आधारे पुढील कारवाई केली जाणार असल्याचे पोलिसांनी सांगितले.दरम्यान, या घटनेमुळे अथर्वच्या कुटुंबियांवर दुःखाचा डोंगर कोसळला आहे.
