लोकशाही न्यूज नेटवर्क
हॉलिवूडची प्रसिद्धी गायिका रिहानाच्या घरावर गोळीबार करण्यात आला. अमेरिकेतील लॉस एंजेलिसमधील बेवर्ली हिल्स येथे ही घटना घडली. ३० वर्षांच्या एका महिलेने गायिकेच्या घरावर एक- दोन नाही तर तब्बल १० गोळ्या धाडधाड झाडल्या. ही घटना घडली त्यावेळी गायिका घरामध्येच होती. ही घटना ८ मार्चला दुपारच्या सुमारास घडली. सुदैवाने या गोळीबारामध्ये गायिका रिहानाला काही झाले नाही. या घटनेचा तपास पोलिस करत आहेत.
लॉस एंजेलिस टाईम्सने दिलेल्या वृत्तानुसार, या गोळीबाराच्या घटनेनंतर परिसरात एकच खळबळ उडाली. गोळीबारानंतर पोलिसांनी तातडीने घटनास्थळी धाव घेतली. गोळीबारानंतर लगेचच पोलिसांनी तपासाला सुरूवात केली. त्यानंतर पोलिसांनी त्याच ठिकाणी एका संशयित महिलेला ताब्यात घेतले. या महिलेनेच हा गोळीबार केला असल्याचे समोर आले.
पोलिसांनी सांगितले की, आरोपी महिला आपल्या कारमध्ये होती. तिने कारच्या आतूनच रिहानाच्या घरावर गोळीबार केला. त्यानंतर ती घटनास्थळावरून फरार झाली. प्रत्यक्षदर्शिने सांगितले की, महिला पांढऱ्या रंगाच्या कारमध्ये होती आणि तिने रिहानाच्या घरावर १० गोळ्या झाडल्या. या महिलेने कारमध्ये बसूनच रिहानाच्या घरावर गोळ्या झाडल्या.
३८ वर्षीय रिहाना तिचा पार्टनर रॉकी आणि ३ मुलांसह राहते. गोळीबाराची घटना घडली त्यावेळी ती घरामध्ये होती. या गोळीबाराच्या घटनेनंतर रिहानाचे चाहते चिंतेत आले होते. पण ती सुरक्षित असल्याचे कळताच त्यांना दिलासा मिळाला. या गोळीबारामध्ये कुणीही जखमी झाले नाही. आरोपी महिलेने रिहानाच्या घरावर गोळीबार का केली? या मागचे कारण काय आहे याचे कारण उघड झाले नाही. लॉस एंजेलिस पोलिस या प्रकरणाच तपास करत आहेत. रिहानाने देखील या घटनेवर अद्याप अधिकृत विधान केले नाही.
