जळगाव, लोकशाही न्यूज नेटवर्क
द महाराष्ट्र स्क्वॅश रॅकेट्स असोसिएशन यांच्या मान्यतेने राज्यस्तरीय आंतरजिल्हा स्क्वॅश चॅम्पियनशिप – २०२६ चे आयोजन दिनांक १ ते ६ जुलै २०२६ या कालावधीत महाराष्ट्र स्क्वॅश अकॅडमी, एन.आय.बी.एम. रोड, उंड्री, पुणे येथे करण्यात आले आहे. या स्पर्धेसाठी जळगाव जिल्हा संघाची निवड करण्याकरिता जळगाव जिल्हा हौशी स्क्वॅश असोसिएशन व एकलव्य क्रीडा संकुल, जळगाव यांच्या संयुक्त विद्यमाने रविवार, दिनांक २१ जून २०२६ रोजी सकाळी १०:०० वाजता सर्व वयोगटाकरिता निवड चाचणीचे आयोजन करण्यात आले आहे.
या निवड चाचणीत उत्कृष्ट कामगिरी करणारे व प्राविण्यप्राप्त खेळाडूंची राज्यस्तरीय आंतरजिल्हा स्क्वॅश चॅम्पियनशिपसाठी जळगाव जिल्हा संघात निवड करण्यात येणार आहे. सदर स्पर्धा मुले व मुलींसाठी अनुक्रमे ११ वर्षांखालील, १३ वर्षांखालील, १५ वर्षांखालील, १७ वर्षांखालील, १९ वर्षांखालील, तसेच पुरुष व महिला खुला गट, ३५ वर्षांवरील आणि ४५ वर्षांवरील गटांमध्ये होणार आहे.
जिल्ह्यातील सर्व स्क्वॉश खेळाडूंनी या निवड चाचणीत सहभागी होऊन राज्यस्तरीय स्पर्धेत जळगाव जिल्ह्याचे प्रतिनिधित्व करण्याची संधी मिळवावी, असे आवाहन जळगाव जिल्हा हौशी स्क्वॅश असोसिएशनचे अध्यक्ष यांनी केले आहे. निवड चाचणी व नोंदणीसंदर्भातील अधिक माहितीसाठी इच्छुक खेळाडूंनी जळगाव जिल्हा हौशी स्क्वॅश असोसिएशनचे अध्यक्ष श्री. हर्षल चौधरी (९८९०९२३४०५), सचिव डॉ. श्रीकृष्ण बेलोरकर (९८६०२६५३७३), सहसचिव डॉ. रणजीत पाटील (८६००८३९१२६) यांचेशी तसेच एकलव्य स्क्वॉश अकॅडमी, क्रीडा संकुल, जळगाव येथे संपर्क साधावा, असे आवाहन करण्यात आले आहे.
