शिवडी ते न्हावाशेवा ट्रान्स हार्बर लिंक सागरीमार्ग नोव्हेंबरपासून होईल खुला -एकनाथ शिंदे
लोकशाही न्यूज नेटवर्क
शिवडी ते न्हावाशेवा ट्रान्स हार्बर लिंक प्रकल्पाचे काम 90 टक्के काम पूर्ण झाले असून यावर्षी नोव्हेंबरपासून हा सागरी मार्ग खुला करण्यात येईल, असे मुख्यमंत्री एकनाथ शिंदे यांनी सांगितले.
देशातील सर्वात लांबीचा हा सागरी मार्ग ओपन रोड टोलिंग यंत्रणा असलेला देशातील पहिला मार्ग असल्याचे मुख्यमंत्र्यांनी सांगितले.
मुख्यमंत्र्यांच्या उपस्थितीत शिवडी ते न्हावाशेवा ट्रान्स हार्बर लिंक प्रकल्पाच्या पॅकेज 2 मधील पहिला सर्वात जास्त लांबीचा म्हणजेच सुमारे 180 मीटर लांबीचा आणि सुमारे 2300 मेट्रिक टन वजनाचा ऑर्थोोट्रॉपिक स्टिल डेकची उभारणी करण्यात आली. यावेळी मुंबई शहरचे पालकमंत्री दीपक केसरकर, मंत्री दादाजी भुसे, संजय राठोड, खासदार राहुल शेवाळे, एमएमआरडीएचे महानगर आयुक्त एस व्ही आर श्रीनिवास, अतिरिक्त आयुक्त गोविंदराज आदी उपस्थित होते.
शिवडी ते न्हावाशेवा ट्रान्स हार्बर लिंक प्रकल्पाची पाहणी, मुंबई ते चिर्ले (रायगड) प्रवास आता केवळ २० मिनिटात शक्य! pic.twitter.com/sjX68gvpUy
— Eknath Shinde – एकनाथ शिंदे (@mieknathshinde) January 12, 2023
मुंबई ते रायगड जिल्ह्यातील चिरले हे अंतर या सागरी महामार्गामुळे पंधरा ते वीस मिनिटांत पार करणे शक्य होणार आहे. पर्यावरणपूरक असा हा सागरी महामार्ग असून बांधकामातील जागतीक दर्जाचे तंत्रज्ञान वापरून त्याचे काम करण्यात आले असून या महामार्गावर टोल भरण्यासाठी थांबण्याची आवश्यकता नसणार आहे. ओपन रोड टोलींग यंत्रणा असलेला देशातील पहिला मार्ग ठरणार असल्याचेही मुख्यमंत्र्यांनी सांगितले.
संपूर्ण प्रकल्पांतर्गत समुद्रात उभरण्यात येणाऱ्या एकूण 70 ऑर्थोोट्रॉपिक स्टिल डेक (Orthotropic Steel Deck) स्पॅन पैकी एकूण 36 स्पॅनची उभारणी पूर्ण झाली आहे.
