रावेर, लोकशाही न्यूज नेटवर्क
तालुक्यातील सावदा येथे वन विभागाच्या कारवाईत सागवान फर्निचर विना परवाना आढळून आल्याने जप्त करण्यात आले आहे.
मिळालेल्या माहितीनुसार, कर्मचारी रावेर ते सावदा रस्त्याने गस्त करीत असताना मौजे सावदा गावाजवळ टाटा कंपनीच्या MH -04 FJ 3248 या क्रमांकाच्या मालवाहतूक गाडीची तपासणी केली असता त्यात सागवान पलंग नग 04, सोपासेट नग 01 असे मिळून आले. सदर मालाविषयी वाहन चालक गणेश भीमराव खैरनार (वय 27) यांना पास परवान्याची विचारणा केली असता त्यांच्याकडे कुठलाही परवाना नसल्याचे सांगितले. सदर सागवान पलंग व सोपा मालाचे मोजमाप घेतले असता 0.524 घ.मी एवढा असून सदर मालाची बाजार भाव आदमासे रक्कम 64500 रुपये असून ताब्यात घेतलेल्या टाटा कंपनीच्या मालवाहतूक गाडीची किंमत अदमासे 126000 रू. असून एकूण रक्कम 190500 एवढी आहे. सदर वाहन पुढील चौकशीसाठी आगार डेपो रावेर या ठिकाणी जमा करण्यात आले आहे.
सदर कारवाई नीनू सोमराज वनसंरक्षक धुळे (प्रा.) वनवृत्त धुळे, जमीर शेख उप वनसंरक्षक, यावल वनविभाग जळगाव, व आर .आर.सदगीर, विभागीय वन अधिकारी (दक्षता) धुळे तसेच प्रथमेश हडपे सहायक वन संरक्षक चोपडा व समाधान पाटील सहाय्यक वन संरक्षक यावल वन विभाग जळगाव यांच्या मार्गदर्शनाखाली वनपरिक्षेत्र अधिकारी रावेर अजय बावणे, रवींद्र सी.सोनवणे वनपाल रावेर, सुपडू सपकाळे आगार रक्षक रावेर, जगदीश जगदाळे वनरक्षक जुनोना यांनी केली.