नवी दिल्लीः तुम्ही जर नवीन फोन खरेदी करण्याची वाट पाहत असाल आणि तोही बजेटमध्ये… तर तुमच्यासाठी सुवर्णसंधी आहे. कमी किंमतीत अत्यंत उपयोगी स्मार्टफोन विकत घेण्याची संधी शाओमी कंपनीनं उपलब्ध करून दिलीय. रियलमीने नार्जो सीरीज लाँच केली आहे. या सीरीजमध्ये कंपनीने दोन स्मार्टफोन Realme Narzo 10 आणि Realme 10A लाँच केले आहेत. या दोन्ही फोनला फ्लॅश सेलमध्ये खरेदी केले जावू शकते. आज दुपारी १२ वाजता Realme Narzo 10A स्मार्टफोन खरेदी करण्याची संधी आहे.
Realme Narzo 10A ची किंमत
रियलमीच्या या स्मार्टफोनला ३ जीबी रॅम प्लस ३२ जीबी स्टोरेजमध्ये खरेदी करता येवू शकते. या फोनच्या बेस व्हेरियंटची किंमत ८ हजार ९९९ रुपये आहे. फोनच्या दुसऱ्या व्हेरियंटची किंमत ४ जीबी रॅम प्लस ६४ जीबी इंटरनल स्टोरेजसोबत येतो. याची किंमत ९९९९ रुपये आहे. या फोनला सो ब्लू आणि सो व्हाइट या दोन रंगात खरेदी करता येवू शकते.
या सेलमध्ये काही ऑफर्स दिल्या आहेत. फ्लिपकार्टवर अॅक्सिस बँक क्रेडिट कार्डवरून पेमेंट केल्यास ५ टक्के कॅशबॅक आणि अॅक्सिस बँक बज क्रेडिट कार्डवरून पेमेंट केल्यास १० टक्के तात्काळ डिस्काउंट ग्राहकांना मिळेल. तसेच फोन नो कॉस्ट ईएमआयवर सुद्धा खरेदी करता येवू शकतो. अनेक पेमेंट आणि बँक ऑफर्स सुद्धा फोनवर दिले जात आहे.
Realme Narzo 10A चे वैशिष्ट्ये
या फोनमध्ये ६.५ इंचाचा एचडी प्लस डिस्प्ले दिला आहे. याचे रिझॉल्यूशन 720×1600 पिक्सल आहे. हा फोन मीडियाटेक हीलियो G70 प्रोसेसर ने पॉवर्ड आहे. फोनमध्ये रियर पॅनेलवर ट्रिपल रियर कॅमेरा सेटअप दिला आहे. १२ मेगापिक्सलचा प्रायमरी लेन्स सोबत २ मेगापिक्सलचा पोट्रेट शूटर आणि एक २ मेगापिक्सलचा मायक्रो लेन्स दिला आहे. फोनमध्ये ५ मेगापिक्सलचा सेल्फी कॅमेरा दिला आहे. फोनला पॉवर देण्यासाठी यात 5000mAh ची बॅटरी दिली आहे.
