मुंबई, लोकशाही न्यूज नेटवर्क:
आपल्या पूर्वाश्रमीच्या प्रेयसीला (Ex Girlfriend) खाजगी फोटो व्हायरल (Private Photo Leaked) करण्याची धमकी देऊन लॉजवर भेटायला बोलावून तिच्यावर बलात्कार केल्याची धक्कादायक घटना मीरा रोड येथून समोर आली आहे. पोलिसांनी याप्रकरणी प्रियकराला अटक केली आहे. पीडित तरुणी आणि आरोपीमध्ये प्रेमसंबंध होते. मात्र त्यांच्या नात्यात दुरावा आल्याने तिने त्याच्या मॅसेजला, कॉल्सला उत्तर देणे बंद केले. यामुळे प्रियकराने त्यांचे खाजगी व्हिडिओ आणि फोटो सोशल मीडियावर व्हायरल करण्याची धमकी देत तिला काशिमीरा येथील लॉजवर बोलावले. लॉजवर तिच्यावर बलात्काक केला. पीडितेने काशिमीरा पोलीस ठाणे गाठत सर्व आपबीती सांगितली. यानंतर पोलिसांनी कारवाई करत आरोपीला अटक केली. इम्तियाज चौधरी असे अटक करण्यात आलेल्या आरोपींची नावे आहेत.
इम्तियाज आणि पीडित तरुणी 2021 पासून एकमेकांना डेटिंग करत होते. मात्र नंतर इम्पिताजने तरुणीसोबत लग्नाला नकार दिला. यामुळे दोघांच्या नात्यात दुरावा आल्याने तरुणीने आरोपीच्या फोनला आणि मॅसेजला उत्तर देणे टाळत होती. यामुळे संतापलेल्या प्रियकराने खाजगी छायाचित्रे आणि व्हिडिओ सार्वजनिक करण्याची धमकी देत मीरा रोड येथे भेटायला बोलावले. त्याने काशिमिरा येथील एका लॉजमध्ये रुम बुक केली. तिथे त्याने तिच्यावर बलात्कार केला. एवढेच नाही तर त्याने अत्यंत खालच्या स्तरावर जात खोलीत अनेक ठिकाणी थुंकले आणि तरुणीला ते चाटायला लावले. यानंतर तरुणीने कसेतरी स्वतःला सावरले आणि घरी परतली. यानंतर तिने सर्व घटना आपल्या मित्राला सांगितले. मित्राच्या सांगण्यावरुन तिने सामाजिक कार्यकर्त्याची मदत घेतली. यानंतर तिघांनी काशिमीरा पोलिस स्टेशन गाठत तरुणीच्या जबाबाच्या आधारे 1 फेब्रुवारीला एफआयआर नोंदवला.
काशिमीरा पोलिसांनी आरोपीविरोधात कलम 376, 377, 354-बी, 323, 324, 506 अंतर्गत एफआयआर नोंदवला आहे. आपल्याविरुद्ध गुन्हा दाखल झाल्याचे समजताच चौधरीने आपला मोबाईल बंद केला आणि तो फरार झाला.
